دوحہ/اسلام آباد ۔ 29 اکتوبر (اے پی پی) وزیر مملکت برائے توکی کار شہر یار خان آفریدی ءَ وتی قطر ءِ تر ءُُ تاب ءِ موہ ءَ قطر ءِ مزن وزیر شیخ عبداللہ بن نصیر بن خلیفہ الثانی ءِ گوما میاں اوستمانی توکی سلامتی ءِ سر ءَ بوھوکیں نماش ءَ بھر زوری کت۔ قطر ءِ دارالحکومت دوحہ ءَ برجم بوھوکیں نماش 31 اکتوبر ءَ تاں جاڑی دارگ بیت۔ اے موہ ءِ سر ءَ وزیر ءِ مملکت برائے توکی کار شہر یار خان آفریدی ءَ قطر ءُُ پاکستان ءِ نیام ءَ اقتصادی، سلامتی ءُُ دود ءُُ ربیدگی کمک ءِ بنیات آنی سر ءَ وت مہ وتی یکوئی ءَ را گیش کنگ ءِ سر ءَ زور پر دات۔ وزیر ءِ مملکت برائے توکی کار مزن وزیر عمران خان ءِ پنت ءُُ شون ءِ پد ءَ قطر ءِ دو روچی تر ءُُ تاب ءَ انت۔ وزارت ءِ توکی کار ءِ نیمگ ءَ جاڑی بوتگیں بیان ءِ رد ءَ نماش ءَ بھر زوری ءَ چہ پیسر وزیر ءِ مملکت برائے توکی کار شہر یار خان آفریدی ءَ پاکستان ءِ سفارت خانہ ءِ تر ءُُ تاب ءَ کت ءُُ آھودا قطر ءَ نندوکیں پاکستانی مردم آں گوں گند ءُُ نند کت ءُُ آواں گوں تران کنت۔ آئی ءَ قطر ءَ نندوکیں پاکستانی آنی جیڈھ آناں گوشداشت ءُُ آوانی جیڈھ آناں زوت گیوار کنگ ءِ دل یکیمی دات۔ آئی ءَ گوشت کہ پاکستان ءِ معشیت ءُُ اوورسیز پاکستانی آنی ارزشتی ایں کرد ءِ است ءُُ اوورسیز پاکستانی پاکستان ءَ سرمایہ کاری ءِ ھوالگ ءَ آسراتی پُجارینگ حکومت گامگیج کنگ ءَ اِنت۔ آئی ءَ گوشت کہ آ روچ دور نہ اِنت کہ وھد ءِ ڈن ءِ ملک ءَ پاکستانی پاکستان ءَ سرمایہ کاری کنگ ءِ جوانیں جاور بنت۔ آئی ءَ گوشت کہ کشمیر ءِ بابت ءَ وتی آجوئی لیکہ ءِ بابت ءَ اِچ چار ءُُ بچار کنگ نہ بیت ءُُ کشمیر ءِ کمک ءَ ھمک فورم ءَ جاڑی دار گ بیت۔
