کوئٹہ۔ 29 اکتوبر (اے پی پی) بنجائی وزیر دفاعی پیداوار زبیدہ جلال گوادر اٹی ایشیائی پارلیمانی اسمبلی نا مسہ دے ئی دیوان نا اڈتننگ نا ستاءِ کرسا پارے کہ بلوچستان اٹی درملکی زرکاری کن چاگڑد سازگار و امن وایمنی نا حالیت مستین نا مقابلہ ٹی بھاز جوان ءِ بلوچستان نا کرکی شار گوادر اٹی 26 ملک آتا 100 آن زیات مندوبین و پارلیمنٹ نا باسک آتا ایشیائی پارلیمانی نا دیوان اٹی بشخ ہلنگ بلوچستان والاتے کن فخر انا سوب ءِ۔ دوشنبے نادے تینا جاری کروک بیان اٹی بنجائی وزیر دفاعی پیداوار زبیدہ جلال نا پاننگ ئس کہ گوادر نئے بیرہ پاک چین اقتصادی راہداری نا بنجا بلکن آخبت اٹی واپاری و راجی سرجزآتا بنجا جوڑ مریک گوادر اٹی جہانی کانفرنس نا اڈتننگ نا سہرا چیئرمین سینیٹ محمد صادق سنجرانی نا کاٹم آٹی ءِ، ایشیائی پارلیمانی کانفرنس نا مچ آڈیہہ آ بے کچ مثبت و تعمیری زہم تمک۔ اوپارے کہ بلوچستان اٹی درملکی زرکاری کن حالیت سازگار و سیکورٹی فورس آتا دے و نن خواری نا سوب آن امن و ایمنی نا حالیت آتے ٹی مستین نا مقابلہ ٹی نمان گچینی بسنے وخت اس کہ گوادر اٹی 29 اکتوبر آن 31اکتوبر اسکان ایشیائی پارلیمانی کانفرنس نا اڈتننگ آن ڈیہہ ٹی اقتصادی شونہالی نا پوسکن آ دور بناکیک۔
