لاہور۔ 10 ستمبر (اے پی پی) ایشیا کپ اٹی بشخ ہلوک آ 16باسکی کرکٹ ٹیم جوڑ کروک آ بھاشا ڈیم فنڈ اکن 32 لکھ روپئی تننگ نا پڑو ءِ کرے۔ دا پڑو ءِ پاکستان کرکٹ ٹیم نا کیپٹن سرفراز احمد نیشنل کرکٹ اکیڈمی لاہور اٹی میڈیا تون ہیت وگپ کرسا کرے۔ اوپارے کہ ایشیا کپ انا ٹیم اٹی 16 گوازی گر ءُ و ہر گوازی گر ڈیم انا جوڑ جاڑ کن اِرا اِرالکھ روپئی و جم وڑاٹ ٹیم انا کنڈآن 32 لکھ روپئی تننگک۔ سرفراز احمد پارے کہ کنے پورو باور ءِ کہ وزیراعظم بھاشا ڈیم ءِ جوڑ کننگ نا مسخت اٹ سرسہب مریک۔
