بلاویو۔ 19جولائی (اے پی پی) زمبابوے و پاکستان نا نیام اٹ پنچ اسہ دے ئی جہانی کرکٹ میچ آتیا تالان سیریز نا چارمیکو میچ (اینو) جمعہ نا دے بلاویو اٹی گوازی کننگک، گرین شرٹس ءِ میزبان ٹیم انا برخلاف سیریز اٹی 3-0 نا فیصلہ کن برتری دوئی ءِ، پاکستان سیریز نا اولیکو اسہ دے ئی میچ اٹی میزبان زمبابوین ٹیم ءِ اسہ کنڈی مقابلہ غان پد 201 رنز اٹ، ارٹ میکو میچ اٹی 9 وکٹ آتے اٹ باترفے، مسٹ میکو میچ اٹی پاکستان ٹیم میزبان ٹیم ءِ ولدا 9 وکٹ آتے اٹ باترفسا پنچ میچ آتا سیریز اٹی 3-0نا فیصلہ کن برتری دوئی کریسس۔ یات سلے کہ ہڑتوم آ ٹیم تا نیام اٹ پنچ و آخریکو ون ڈے 22 جولائی آ گوازی کیک۔
