لندن ۔ 11 جون (اے پی پی)پاکستان وسکاٹ لینڈ ناکرکٹ ٹیم تا نیام اٹ اِرا ٹیسٹ میچ آتیا تالان سیریز نا اولیکو میچ (اینو) سے شنبے نادے ایڈن برگ اٹی گوازی کننگک ۔ داکان مست پاکستان وآئرلینڈ ناٹیم تا نیام اٹ گوازی کروک آ اسٹ انگا ٹیسٹ میچ پاکستان نا ٹیم 5 وکٹ آتے اٹ تینا پن آ کریسس ۔ انگلینڈناٹیم انابرخلاف ٹیسٹ سیریز آن مست پاکستان ولیسسٹر شائر نانیام اٹ گوازی کروک آ اِرادے ئی ٹیسٹ میچ کٹنگ و باتننگ نا فیصلہ غان بیدس ہی چٹاسس۔ پاکستان وانگلینڈ ناٹیم تا نیام اٹ اِراٹیسٹ میچ آتاسیریز 1-1 آں بریبر مس۔ پاکستان ٹیم اولیکو میچ اٹی انگلینڈ ناٹیم ءِ شکست تس ولے ایلو میچ اٹی میزبان ٹیم پاکستان ءِ اسہ اننگز و55 رنز اٹ شکست ترساسیریز 1-1 اٹ بریبر کریر ۔ داکان پد پاکستان وسکاٹ لینڈ ناٹیم تا نیام اٹ اِراٹی 20 میچ آتیا تالان سیریز گوازی کننگک ہرانا اولیکو میچ (اینو) سے شنبے نادے گوازی کننگک وخت اس کہ ارٹ میکو وآخریکو ٹی 20 کرکٹ میچ (پگہ)چارشنبے نادے آ گوازی کننگک ۔ ٹی 20 سیریز ناہڑتوم آ میچ آک ایڈن برگ انا ہند آ گوازی کننگک ۔
