ممبئی ۔ 6 جون (اے پی پی) بنگلہ دیش و افغانستان نا کرکٹ ٹیم تا نیام اٹ مسہ ٹی ٹونٹی جہانی میچ آتیا تالان سیریز نامسٹ میکو و آخریکو میچ (اینو) پنچ شنبے نادے آ گوازی کننگک ۔ اوغانستان نا ٹیم ءِ بنگلہ دیش نا برخلاف مسہ میچ آتا سیریز اٹی 2-0 نا فیصلہ کن برتری دوئی ءِ۔ اوغانستان نا ٹیم اولیکو ٹی ٹونٹی میچ اٹی بنگلہ دیش ٹیم ءِ 45 رنز اٹ شکست تسوسس وخت اس کہ ارٹمیکو میچ اٹی اوغانی ٹیم بنگلہ دیش ءِ 6 وکٹ آتے اٹ شکست ترسا سیریز اٹی 2-0 نا فیصلہ کن برتری دوئی کرے ۔ اوغانستان ٹیم ہندا تُو بھارت نابرخلاف اونا گل زمین آ ٹیسٹ ڈیبیو کروئی ءِ و ہندا چرجوئی ٹی او داڑے تیاری تیٹی اختہ ءِ ، سیریز نا تیاری نا بابت اوغانستان بنگلہ دیش نا برخلاف مسہ ٹی ٹونٹی میچ آتا سیریز تخاسس ہرا نا مسٹ میکو و آخریکو میچ (اینو) پنچ شنبے نادے آ گوازی کننگک ۔
