پورٹ آف اسپین۔04جون (اے پی پی) ویسٹ انڈیز و سری لنکا نا کرکٹ ٹیم تا نیام اٹ مسہ ٹیسٹ میچ آتیا تالان سیریز نا اولیکو میچ (پگہ) چارشنبے نادے پورٹ آف سپین اٹ بناء کیک، سری لنکن ٹیم سیریز اس گوازی کننگ کن مہالو آن ہی ویسٹ انڈیز آ سرمسنے، آئی لینڈ رز و ویسٹ انڈیز پریذیڈنٹ الیون نا نیام اٹ مسہ دے ئی ٹور میچ ڈرامسوسس ، ٹورمیچ اٹی سری لنکن گوازی گر آتا بیٹنگ و باؤلنگ است جم ئس ہنداخاطرآن ٹیسٹ سیریز اٹی ہڑتوم آ ٹیم تا نیام اٹ سخت مقابلہ نا گمان کننگ انگ ءِ۔ ہڑتوم آ ٹیم تا نیام اٹ ارٹ میکو ٹیسٹ 14آن 18 جون اسکان سینٹ لوشیا وخت اس کہ مسٹ میکو و آخریکو ٹیسٹ 23 آن 27 جون اسکان بارباڈوس اٹ گوازی کننگک۔
