ممبئی۔ 04جون (اے پی پی) بنگلہ دیش و اوغانستان نا کرکٹ ٹیم تا نیام اٹ مسہ ٹی ٹونٹی جہانی میچ آتیا تالان سیریز نا ارٹ میکو میچ(اینو) سے شنبے نادے آ گوازی کننگک۔ اوغانستان نا ٹیم ءِ بنگلہ دیش نا برخلاف مسہ میچ آتا سیریز اٹی 1-0 نا برتری دوئی ءِ۔ اوغانستان نا ٹیم اولیکو ٹی ٹونٹی میچ اٹی بنگلہ دیش ٹیم ءِ 45 رنز اٹ شکست تسوسس۔ اوغانستان ٹیم ہندا تُو بھارت نا برخلاف اونا گل زمین آ ٹیسٹ ڈیبیوکروئی ءِ، و ہندا چرجوئی ٹی او داڑے تیاری تیٹی اختہ ءِ۔ سیریز نا تیاری نا بابت اوغانستان بنگلہ دیش نا برخلاف مسہ ٹی ٹونٹی میچ آتا سیریز تخاسس ہرانا ارٹ میکو ٹی ٹونٹی میچ اینو گوازی کننگک وخت اس کہ مسہ میچ آتا سیریز نا مسٹ میکو و آخریکو میچ 7جون آ گوازی کننگک۔
