پورٹ آف اسپین ۔03جون (اے پی پی) ویسٹ انڈیز و سری لنکا نا کرکٹ ٹیم تا نیام اٹ مسہ ٹیسٹ میچ آتیا تالان سیریز نا اولیکو میچ 6 جون آن پورٹ آف اسپین اٹی بناء کیک، سری لنکن ٹیم سیریز اس گوازی کن مہالوآن ہی ویسٹ انڈیز آ سرمسنے، آئی لینڈرز و ویسٹ انڈیز پریذیڈنٹ الیون نا نیام اٹ مسہ دے ئی ٹور میچ ڈرامسوسس، ٹورمیچ اٹی سری لنکن گوازی گر تا بیٹنگ و باؤلنگ تسلی بخش ئس ہنداخاطرآن ٹیسٹ سیریز اٹی ہڑتوم آ ٹیم تا نیام اٹ سخت مقابلہ نا گمان کننگ انگ ءِ۔ ہڑتوم آ ٹیم تا نیام اٹ ارٹ میکو ٹیسٹ 14 آن 18 جون اسکان سینٹ لوشیا وخت اس کہ مسٹ میکو و آخریکو ٹیسٹ 23آن 27 جون اسکان بارباڈوس اٹی گوازی کننگک۔
