برسبین۔ 19 دسمبر (اے پی پی) پاکستان و آسٹریلیا نا کرکٹ ٹیم تا نیام اٹ مسہ ٹیسٹ میچ آتیا تالان سیریز نا ارٹ میکو ٹیسٹ 26دسمبر آن میلبورن کرکٹ گراﺅنڈ اٹی بناءکیک۔ آسٹریلیا ئِ پاکستان نا برخلاف مسہ میچ آتا سیریز اٹی 1-0 نا برتری دوئی ئِ، کینگروز پاکستان ئِ اولیکو ٹیسٹ میچ اٹی 39 رنزاٹ شکست تسوسس۔ پاکستانی ٹیم مصباح الحق نا سروکی ٹی پٹ اٹی دڑنگک وخت اس کہ آسٹریلوی ٹیم نا کیپٹنی نا فرض ئِ سٹیون سمتھ انجام ایتک۔ دا میچ ڈے مریک و پاکستان نا معیار وخت انا رداٹ 4بجہ ئُ 30 منٹ آ بناءکیک۔ یات سلے کہ ہڑتوم آ ٹیم تا نیام اٹ ارٹ میکو ٹیسٹ 26آن 30 دسمبر اسکان میلبورن وخت اس کہ مسٹ میکو و آخریکو ٹیسٹ 3آن 7 جنوری اسکان سڈنی ٹی گوازی کننگک۔
