اسلام آباد۔ 06دسمبر(اے پی پی) وزارت ڈٹ بندی و شونداری اینخو مالی سال نا سرکاری بشخ انا شونداری پروگرام نا رداٹ نیشنل ہائی وے اتھارٹی نا شونداری ڈٹ آتے کن جم وڑاٹ داوخت اسکان 79ارب8کروڑ 69لکھ روپئی نا فنڈ جاری کرینے۔ حکومت اینخو مالی سال اٹی نیشنل ہائی وے اتھارٹی نا شونداری کاریم تے کن اسہ کھرب 88ارب روپئی نا فنڈ جتا کرینے۔ پلاننگ کمیشن نا جاری کروک حساب و کتاب نا رداٹ حکومت لاہور۔عبدالحکیم سیکشن نا جوڑ جاڑ کن 13ارب60کروڑ، سکھر بائی پاس اِرا رویہ کننگ کن 20کروڑ، نیو اسلام آباد انٹر نیشنل ایئر پورٹ کن لنک روڈ انا جوڑ جاڑ کن اسہ ارب 20کروڑ، سیالکوٹ۔لاہورسیکشن نا جوڑ جاڑ و ڈغار نا ہلنگ کن 4ارب، گجرات اٹی شاہین چوک اٹی فلائی اوور نا جوڑ جاڑ کن 39کروڑ، تھاکوٹ آن حویلیاں موٹروے نا جوڑ جاڑ کن اسہ ارب 77کروڑ، برہان حویلیاں ایکسپریس وے نا جوڑ جاڑ کن 46کروڑ، ڈی آئی خان موٹروے 70کروڑ، این 85نا جوڑ جاڑ کن 2ارب80کروڑ، برہان ہکلہ سیکشن نا جوڑ جاڑ کن 5ارب80کروڑ روپئی تون اوار کیہی شونداری ڈٹ آتے کن فنڈ جاری کرینے۔
