اسلام آباد۔ 06دسمبر (اے پی پی) قومی اسمبلی ٹی قائد حزب اختلاف سید خورشید احمد شاہ پارینے کہ بھارت پاکستان نا پچار و کست اٹی اوغانستان تون سنگتیئِ ودفنگ ئِ و اوغانستان آ بھارت نا سنگتی نا پس پردہ مسخت آک بے نقاب مریرہ۔ اوغانستان ئِ داہیت ئِ یات تخوئی مرے کہ بھارت تون پوسکن پوسکن سنگتی ٹی داخہ مرہمپ کہ پدی بننگ نا کسر مشکل مرے۔ تینا اسہ بیان اسے ٹی اوغان صدر اشرف غنی نا تقریر آ ردعمل اٹی اوپارے کہ اوغان صدر تینا الس ئِ دوست تخے و مودی نا بادوی ئِ کپ۔ اوپارے کہ پاکستان دہائی تسکان نہ صرف لکھ آ اوغان مہاجر آتا خیالداری ئِ کرے بلکن مشکل وخت اٹی اوغان السئِ اوفتا ملک اٹی تینا بری و بحری کسرتا کمک اٹ زند انا گرج آتے ہم تس۔ اشرف غنی ہمودے تے ہم گیرام کرے ہراتم سویت یونین نا جلہو نا وخت بھارت توس اتون سلوک ئس و اوغانستان نا بربادی نا تماشہ ئِ ہراکہ۔ اوغانستان تون بھارت نا پوسکن پوسکن سنگتی نا پردہ زوت پاش مریک۔ اوپارے کہ اوغانستان سال تا سال اسکان جہانی واک آتا تسلط اٹی مسنے و داسہ اودے اندازہ اف کہ آجو و وت واجہ ملک جہانی برادری ٹی تینا ہند ئِ امر جوڑ کیرہ۔
