پاکستان و آسٹریلیا الیون نا نیام اٹ مسہ دے ئی پریکٹس میچ 8دسمبر آن بناءکیک
کیرنز۔ 05دسمبر (اے پی پی) پاکستانی ٹیم تینا دورہ آسٹریلیا نا بناءئِ 8دسمبر آ کرکٹ آسٹریلیا الیون نا برخلاف مسہ دے ئی ٹورمیچ آن دورہ نا بنائِ کیک، گرین شرٹس دا دے تیٹی آسٹریلیا ٹی ساڑی ئِ و پریکٹس اٹی اختہ ئِ۔ پاکستان ٹیم تینا دورہ نا وخت میزبان ٹیم انا برخلاف مسہ ٹیسٹ و پنچ اسہ دے ئی بین الاقوامی میچ آتا سیریز گوازی کیک۔ پاکستان ٹیم نا سروکی ئِ مصباح الحق کیک وخت اس کہ میزبان ٹیم انا سروکی ئِ سٹیون سمتھ کیک۔ پاکستانی ٹیم کینگروز نا برخلاف ٹیسٹ سیریز آن مست اسٹ انگا پریکٹس میچ 8 آن 10دسمبر اسکان کرکٹ آسٹریلیا الیون نا برخلاف گوازی کیک۔ اوکان گڈ پاکستان و آسٹریلیا نا نیام اٹ ٹیسٹ سیریز نا بناء15دسمبر آن مریک، اولیکو میچ ڈے اینڈ نائٹ مریک، ہڑتوم آ ٹیم تا نیام اٹ ارٹ میکو ٹیسٹ 26دسمبر آن میلبورن اٹی بناءکیک وخت اس کہ ہڑتوم آتا نیام اٹ آخریکو ٹیسٹ 3آن 7جنوری اسکان سڈنی ٹی گوازی کننگک، ٹیسٹ سیریز نا چٹنگ آن گڈ پاکستان و آسٹریلیا نا نیام اٹ ون ڈے سیریز نا اولیکو میچ 13جنوری، ارٹ میکو میچ 15، مسٹ میکو میچ 19، چارمیکو میچ22وخت اس کہ پنچ میکو میچ 26جنوری آ گوازی کننگک۔