داکان مست 1985ٹی نیوزی لینڈ پاکستان ئِ ٹیسٹ سیریز اسے ٹی شکست تسوسس
ہیملٹن۔ 29نومبر (اے پی پی) نیوزی لینڈ پاکستان ئِ ارٹ میکو و آخریکو کرکٹ ٹیسٹ میچ اٹی 138 رنز اٹ شکست ترسا 31سال گڈ ٹیسٹ سیریز اٹی کلین سویپ کرے۔ داکان مست 1985ءٹی نیوزی لینڈ پاکستان ئِ ٹیسٹ سیریز اسے ٹی شکست تسوسس۔ پاکستان نا ٹیم 369رنز نا ہدف نا تعاقب اٹی 230 رنز جوڑ کرسا آﺅٹ مس۔ کیویز باﺅلرآک ارٹ میکو اننگز اٹی ہم شون وشان باﺅلنگ کریر ہرانا سوب پاکستان نا پنچ گوازی گر دوہراہندسہ ئِ ہم عبور کننگ کتوس۔ پاکستان نا کنڈآن سمیع اسلم 91و کیپٹن اظہر علی 58رنز اتون نمان مسر ولے اوفتے آن بیدس اسہ بلے باز اس ہم کیویز نا باﺅلرآتا ڈٹ کر مقابلہ ئِ کننگ کتوس۔ پاکستان نا کنڈآن سمیع و اظہر نا نیام اٹ 131رنز انا اوپننگ شریداری مس ولے او تینا ٹیم ئِ فتح آن ہمکنار کرفنگ کتوس۔ سمیع اسلم اسہ وار ولدا تینا سینچری ئِ پورو کننگ کتو۔ نیوزی لینڈ نا کنڈآن نیل واگنر مسٹ، ٹم ساﺅتھی و مٹ سانٹنر اِرٹ، ارٹ، وخت اس کہ ہنری و گرینڈ ہوم اسہ اسہ وکٹ ہلکر۔ چارشنبے آ میچ انا پنچ میکو و آخریکو دے پاکستان نا ٹیم تینا ارٹ میکو نیم گڈلو اننگز ئِ اسہ رن اسے آن بیدس نسخان آن بناءکریر تو سمیع اسلم و اظہر علی گوازی کریرہ و پاکستان نا ٹیم ئِ میچ اٹی سرسہبی کن 368رنز درکار ئس، ہڑتوم آ گوازی گرتا نیام اٹ اولیکو وکٹ نا شراکت اٹی قیمتی 131رنز جوڑ مس ولے داوخت آ کیپٹن اظہر علی تینا نصف سنچری ئِ پورو کرسا 58رنز جوڑ کرسا مچل سانٹر نا گیند آ کلین بولڈ مس، بابر اعظم ارٹ میکو آﺅٹ مروک آ گوازی گر ئس ہرا 16رنز جوڑ کرسا مچل سانٹر نا گیند آ کلین بولڈ مس۔ داوخت آ سمیع اسلم ہم ٹیم ئِ اوار ہلسا پویلین آ ہنا او 91رنز جوڑ کرسا ٹم ساﺅتھی نا گیند آ کین ولیمسن نا دوتے اٹ کیچ آﺅٹ مس۔ او صرف 9رنز انا پرخ آن تینا ٹیسٹ کیریئر نا اولیکو سینچری ئِ پورو کننگ کتو۔ وکٹ کیپر سرفراز احمد بدقسمتی اٹ 19رنز جوڑ کرسا رن آﺅٹ مس۔ اسد شفیق اسہ رن اس ہم جوڑ کننگ کتو او ہنری نا گیند آ نکولس نا دوتے اٹ کیچ آﺅٹ مس، یونس خان 11رنز جوڑ کرسا گرینڈ ہوم نا گیند آ نکولس نا دوتے اٹ کیچ آﺅٹ مس، محمد عامر و وہاب ریاض اسٹ آن گڈ یلو صرف پرنیل واگنر نا گیند نا گواچی مسر عمران خان پاکستان نا آخری آﺅٹ مروک آ گوازی گر ئس ہرا صفر آ نیل واگنر نا گیند آ لاتھم نا دوتے اٹ کیچ آﺅٹ مس ، محمد رضوان 13رنز اتون ناٹ آﺅٹ مس و ہندا وڑ نیوزی لینڈ نا ٹٰم پاکستان ئِ ارٹ میکو آخریکو کرکٹ ٹیسٹ میچ اٹی 138رنز اٹ کٹسا سیریز ئِ کلین سویپ کرے۔
