کرائسٹ چرچ۔ 14نومبر (اے پی پی) پاکستان نا کرکٹ ٹیم نا مایہ ناز وکٹ کیپر بلے باز سرفراز احمد پارینے کہ نیوزی لینڈ ئِ اولیکو ٹیسٹ میچ اٹی شکست ترسا سریز نا آغازئِ فتح آن کینہ۔ اوپارے کہ میزبان ٹیم ئِ شکست تننگ کن گوازی گر تے گوازی نا غٹ بشخ آتیٹی عمدہ کارکڑد نشان تروئی مریک۔ پاکستان و نیوزی لینڈ نا کرکٹ ٹیم نا نیام اٹ اِرا ٹیسٹ میچ آتیا تالان سیریز نا اولیکو ٹیسٹ 17نومبر آن کرائسٹ چرچ اٹی بناءکیک۔ سرفراز احمد پارینے کہ کیویز ئِ اونا گل زمین آ باترفنگ چیلنج اسے آن کم اف ولے نن تیاری اتون میدان اٹ دڑنگنہ۔ اوپارے کہ سیریز اٹی میزبان ٹیم ئِ ٹف ٹائم ایتنہ۔ سرفراز احدم مستی پارے کہ ننے سخت حریف نا برخلاف سرسہبی دوئی کننگ کن سخت حکمت عملی نا رداٹ میدان اٹ دڑنگوئی مریک۔ اوپارے کہ ننا ٹیم متوازن ئِ ولے کٹنگ کن گوازی نا غٹ بشخ آتیٹی غیر معمولی کارکڑد نشان تروئی مریک۔
