لنکن۔ 09 نومبر (اے پی پی) پاکستان و نیوزی لینڈ نا زالبول کرکٹ ٹیم نا نیام اٹ پنچ ون ڈے میچ آتیا تالان سیریز نا ارٹ میکو میچ (پگہ) جمعہ آ لنکن اٹی گوازی کننگک۔ میزبان ٹیم ئِ پاکستان نا برخلاف 1-0نا برتری دوئی ئِ۔ نیوزی لینڈ نا ٹیم اولیکو میچ اٹی پاکستان نا ٹیم ئِ 8وکٹ آتیان شکست تسوسس۔ سرجم احوال آتارداٹ پاکستان نا ویمن ٹیم دادے تیٹی نیوزی لینڈ اٹی ساڑی ئِ ہراڑے او میزبان ٹیم انا برخلاف پنچ ون ڈے و اسہ ٹی 20میچ اس گوازی کیک۔ ہڑتوم آ ٹیم تا نیام اٹ پنچ ون ڈے میچ آتا سیریز نا ارٹ میکو 11نومبر آ گوازی کننگک، مسٹ میکو 13نومبر آ گوازی کننگک، چارمیکو 17نومبر آ گوازی کننگک وخت اس کہ پنچ می و آخریکو ون ڈے 19نومبرآگوازی کننگک۔ ہڑتوم آ ٹیم تا نیام اٹ اسٹ انگا ٹی 20میچ 21نومبر آ نیلسن اٹی گوازی کننگک۔
