گرین شرٹس ئِ سیریز اٹی 2-0نا فیصلہ کن برتری دوئی
شارجہ ۔ 28اکتوبر (اے پی پی) پاکستان و ویسٹ انڈیز نا کرکٹ ٹیم تا نیام اٹ مسہ ٹیسٹ میچ آتیا تالان سیریز نا مسٹ می و آخریکو ٹیسٹ میچ (پگہ) یک شنبے آن شارجہ ٹی بناءکیک، گرین شرٹس ئِ سیریز اٹی 2-0نا فیصلہ کن برتری دوئی ئِ۔ پاکستانی ٹیم سیریز نا اولیکو ٹیسٹ اٹی کالی آندھی ئِ 56رنز و ارٹ میکو ٹیسٹ اٹی 133رنز انا صفا مارجن آن شکست ترسا سیریز اٹی فیصلہ کن برتری دوئی کریسس۔ شون و شان فتوحات آتیان گڈ پاکستانی ٹیم نا مورال بڑز ئِ و گوازی گرکالی آندھی ئِ آخریکو ٹیسٹ اٹی ہم زیر کرسا ٹی ٹونٹی و ون ڈے آن گڈ ٹیسٹ سیریز اٹی ہم وائٹ واش کننگ کن پرعزم ئِ۔ ارٹ میکو کنڈآ شکست کنوک ویسٹ انڈین ٹیم آخریکو ٹیسٹ ئِ کٹسا دورہ نا شون و شان انداز اٹ اختتام کننگ نا خواہندار ئِ ولے گرین شرٹس نا ساڑی آ کارکڑد ئِ مون آ تخسا اودے آخریکو ٹیسٹ اٹی ہم فیورٹ گوندنگ انگ ئِ۔

متعلقہ مضامینمصنف کی طرف سے مزید