اسلام آباد۔ 25اکتوبر (اے پی پی) بنجائی وزیر اطلاعات ، نشریات و قومی میراث سینیٹر پرویز رشید پولیس ٹریننگ سینٹر اٹی دہشت گرد ی نا جلہو نا ترندی اٹ مذمت ئِ کرسا پارے کہ دا کارروائی نا ارتکاب کروک آک امن و شون نا دشمن ئُ۔ سے شنبے آ داڑے جاری بیان اٹی او پارے کہ پاکستان نا الس ملک انا دشمن تا عزم انا مقابلہ ئِ کننگ کن پرعزم ئِ۔ اوپارے کہ حکومت لمہ وطن آن آخریکو دہشت گرد نا چٹفنگ اسکان آرام اٹ تولپک۔ پرویز رشید پارے کہ امن دشمن آتون آہنی دوتے اٹ مون تننگے۔ اوپارے کہ دہشت گردی و انتہاپسندی نا برخلاف ننا سیکورٹی فورسزآتا عظیم قربانیک گم مفسہ، او ننا ہیروک ئُ و ننا بروک آ دے اکن تینا اینو نا دے ئِ قربان کننگ ئُ۔ اوشہید آتا خاہوت آتون دلی ہمدردی نا درشانی ئِ کرسا ٹھپی مروک آتا زوت جان جوڑی کن دعا کرے۔
