مردم دوستیں بجٹ ءَ چہ صنعت ءِ چرخ تیز بیت، برآمدات ءِ سرا مبنی معیشت دیم ءَ روان بیت، مزن وزیر شہباز شریف ءَ مسلم لیگ ن ءِ زالبولیں باسکاں گوں گپ ءُ تران

اسلام آباد۔17جون  (اے پی پی): مزن وزیر محمد شہباز شریف ءَ گوشت کہ الس دوستیں بجٹ ءَ چہ صنعت ءِ چرخ ءَ را ترند کنگ بیت، برآمدات ءِ سر ءَ مبنی معیشت ءَ را دیمروئی دیگ بیت، سرجمیں دلگوشی آپی وسیلگ، آئی ٹی، کشت ءُ کشاری ءُ معدنیات ءِ سر ءَ انت، ایشی ءِ ٹرانسفر ءِ جوانیں اثرات ءِ سبب ءَ امن ءُ ایمنی ءِ دمگ ءَ را دیم ءَ برگ بیت۔ ممکن نہ اِنت کہ راج قربانی بہ دنت ءُ نخبہ ءِ مراعات ءِ رسگ برجاہ بہ بیت۔ اے ھیالانی درشانی آئی ءَ چار شمبے ءِ روچ ءَ ادا ن لیگ ءِ زالبولیں ایم پی آں گوں گپ ءُ تران کنان ءَ کت اَنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ زالبولیں ایم پی آناں وش اتک کت ءُ برجاھیں بجٹ دیوان ءَ سرجمی ءَ بھر زوری ءِ پد ءَ شگر ءُ منت گپت۔ مزن وزیر ءَ گوشت کہ حکومت ءَ بجٹ ءِ تہ ءَ گیش ءَ چہ گیش الس آناں ریلیف پجارینگ ءِ کوشست کتگ، بجٹ ءِ تہ ءَ ملک ءِ زالبول آزات جوڑ کنگ ءُ راجی مین اسٹریم ءِ تہ ءَ آوانی ھوار بوھگ ءَ را گیش کنگ ءِ گامگیج ھوار انت۔ مزن وزیر ءَ گوشت کہ پاکستانی زالبول آناں ملک ءِ دیمروئی ءِ تہ ءَ سرجمی ءَ کرد ءِ پیلو کنگ ءِ واکدار کنگ حکومت ءِ اولی ترجی ءِ تہ ءَ انت۔ خدا ءِ فضل ءَ دمگ ءِ تہا تناؤ ءِ جمبر چست کنگ بوتگ انت ءُ امن ءِ برجائی ءِ جہد کنگ بوتگ۔ ما چہ دوستیں ملک آں منت وار آں کہ آہاں امن ءِ برجائی ءِ کوشست ءَ را سرجمیں رنگ ءَ کمک کتگ ۔ آئی ءَ گوشت کہ تناؤ ءِ بندات ءَ چہ پاکستان ءِ حکومت ھاسیں رنگ ءَ فیلڈ مارشل سید عاصم منیر، نائب مزن وزیر ءُ دری کارانی وزیر سینیٹر محمد اسحاق ڈار، تہی کارانی وزیر سید محسن رضا نقوی ءُ سرجمیں ٹیم ءَ را سینسرٹی امن ءِ برجائی ءِ کوشست آنی تہ ءَ سرگرمی ءَ گوں ھوار بوتگ انت۔ مزن وزیر ءَ گوشت کہ ایوک ءَ دائمی دمگی ءُ جھان ءِ امن ءِ برجائی ءَ گوں پاکستان ءُ اے دگہ ملک آنی اقتصادی دیمروئی ءِ واب پیلو بیت۔ گوستگیں ماہانی تہا حکومت ءَ ہر وڑیں کوشست کتگ کہ مہلوک ءَ را چہ جھان ءِ مہنگائی ءِ لہر ءَ گیش ءَ چہ گیش رکّینگ بہ بیت۔ خدا ءِ فضل ءَ دمگ ءِ دگہ ملکانی برعکس نہ ملک ءَ بحران بوتگ ءُ نہ سوخت ءِ ھاتر ءَ دراجیں صف گندگ بوتگ انت۔ مزن وزیر ءَ گوشت کہ حکومتی ٹیم ءِ جوانیں منصوبگ بندی ءِ برکت ءَ نہ ایوک ءَ الس گیش چہ گیش پریشانی ءَ چہ رکھینگ بوت، بلکینگ ءَ وفاقی ءُ صوبائی حکومت ءِ کمک ءَ میان اُستمانی ءُ معاشی لحاظ ءَ نزور تک ءَ یک راجدپتری پیکج ءِ دات۔ آئی ءَ گوشت کہ گوستگیں بحران ءِ تہ ءَ قربانی اولی رند ءَ کابینہ ءُ سرکاری ادارگ آنی گوما بندات بوتگ، اے ملک ءِ الس آنی واستہ قربانی دیگ ممکن نہ اِنت ءُ اشرافیہ ءَ را مراعات ءِ رسگ برجاہ اِنت۔ مزن وزیر ءَ گوشت کہ حکومت ءَ 128ارب کلدار ءِ سبسڈی ءُ مزنیں کساس ءَ رکھینگی مہم ءِ گوما الس آنی جیڈھ آناں کم کنگ ءِ واستہ مزنیں کوشست کتگ۔ انوگیں جاور ھال آنی تہ ءَ فدراسیون ءُ صوبہ آں ملک ءِ معیشت ءِ برجائی ءِ واستہ سرجمیں رنگ ءَ کمک کتگ کہ ایشی ءِ واستہ صوبہ حکومت سک باز منت وار اَنت۔ اے درستیں جاور ھال آنی وھد ءَ ملک ءِ معیشت ءِ برجائی ءِ واستہ السی کمک ءَ مزنیں کردے پیلو کتگ ایشی ءِ واستہ ما پاکستان ءِ اُلس ءَ را خراج تحسین پیش کن ایں ۔ مزن وزیر ءَ گوشت کہ مشکلیں اقتصادی جاورھال آنی تہ ءَ الس دوستیں بجٹ پیش کنگ بوتگ، ایشی ءَ چہ صنعت ءِ پہہ ترند بیت ءُ برآمد کنگ ءِ سر ءَ بنگریں معیشت ءَ را دیمروئی رسیت۔ آئی ءَ گوشت کہ آیوکیں سال ءِ بجٹ ءَ مئے دلگوشی راجی نپ آنی سر ءَ ھاسیں رنگ ءَ آپی وسیلگ، آئی ٹی، کشت ءُ کشار ءُ معدنیات ءِ تہ ءَ گیشی کنگ ءَ انت تانکہ پاکستان ءِ معیشت ءَ را مھکمیں بنیات پجاری کنگ بہ بیت۔ مزن وزیر ءَ گوشت کہ خطہ ءَ امن ءُ نارمل کنگ ءَ پد اقتصادی ءِ جوانیں اثر الس ءِ سر ءَ دیم دیگ بیت۔ اے درستیں جہد ءُ کوشست ٹیم پاکستان ءِ یکجائی جہد ءِ آسر انت ءُ انشاءاللہ اے ٹیم پاکستان ءَ دنیا ءِ دیمروئی کتگیں ملکانی لڑ ءَ جاہ دنت۔ زالبولیں پارلیمنٹرین آں مزن وزیر ءَ را دگنیا ءُ دمگ ءَ امن ءِ برجائی ءِ واستہ کوشست آنی سر ءَ شگر ءُ منت گپت۔ ایشاں مزن وزیر ءُ حکومت ءِ اقتصادی ٹیم ءَ را ھم شگر ءُ منت گپت کہ آہاں بجٹ ءَ زالبول آناں بااختیار جوڑ کنگ ءُ آھاں وانگ ءُ زانگ ءُ دیمروئی ءِ واستہ برابریں موہ پجاری ءِ واستہ گامگیج آناں ھوار کتگ۔ پارلیمنٹرین آں مزن وزیر ءَ را سیادی داروکیں حلقہ آنی تہ ءَ السی گہبود ءِ ھوالگ ءَ جاری منصوبگ ءُ بجٹ آنی ھوالگ ءَ شون ءُ شون پیش کت۔ شریکیں مردماں سرجمیں ملک ءَ وانگ ءُ زانگ، جان سلامتی، ورنا آنی واستہ روزگار ءِ موہ، صنعت ءُ پیداوار، مواصلات، فوڈ سیکیورٹی ءُ ایندگر شوبگ آنی تہ ءَ گامگیج آنی ھوالگ ءَ سوج پیش کتگ۔ دیوان ءَ پارلیمنٹ ءِ باسک سیدہ نوشین افتخار، بیگم تہمینہ دولتانہ، شائستہ خان، طاہرہ اورنگزیب، شائستہ پرویز، منیبہ اقبال، نزہت صادق، مسرت آصف خواجہ، رومینہ خورشید عالم، زیب جعفر، کرن عمران ڈار، زہرہ ودود فاطمی، آسیہ ناز تنولی، صبا صادق، فرح ناز اکبر، شہناز سلیم ملک، زینب محمود بلوچ، کرن حیدر، اختر بی بی، غزالہ انجم، مس شاہین، ثمر ہارون بلور، سعیدہ جمشید، تمکین اختر نیازی، سائرہ تاررڑ، ہما اختر چغتائی، ماہ جبین خان عباسی، گلناز شہزادی، شمائلہ رانا، شازیہ فرید، سیدہ آمنہ بتول، رابعہ نسیم فاروقی، ارم حامد حمید  ءُ  مس نیلم ھوار اَت۔  دیوان ءَ  وزیر دیمپانی  خواجہ محمد آصف، وزیر آئی ٹی شزہ فاطمہ خواجہ، وزیر برائے پارلیمانی امور ڈاکٹر طارق فضل چوہدری، وزیر برائے امور عامہ یونٹ رانا مبشر اقبال، وزراء مملکت شزرا منصب علی خان کھرل، وجیہہ قمر  ءُ ھاسیں کمکار   طلحہ برکی ءَ ھم شریک بوتگ۔