نائب مزن وزیر محمد اسحاق ڈار ءَ گشتگ کہ پاکستان ءَ 30 ایرانی شہری آنی وطن ءَ واتر کنگ ءِ آسراتی ءَ چہ وش انت

اسلام آباد۔17جون  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوشت کہ پاکستان ءَ 30 ایرانی شھری آناں وطن ءَ واتر کنگ ءَ آسراتی دیگ ءَ چہ وشی اِنت۔ چار شمبے ءِ روچ ءَ ایکس ءِ سر ءَ جاڑی بوتگیں بیان ءِ تہ ءَ آئی ءَ گوشت کہ ایشی ءِ تہ ءَ 8 ایرانی ماہی گیر ھوار اَنت کہ آیانی کشتی ءِ حادثہ ءَ پد برطانیہ ءِ جہاز ایم ایم اے وہیلر ءَ دریا ءَ چہ رکینتگ۔ نائب مزن وزیر ءَ گوشت کہ ایشی ءَ ابید لینور/داوینا (Lenore/Davina) نامی جہاز    22 ایرانی کارندہ ھم ھوار اَنت کہ انوگیں وھد ءَ امریکی واکدار آنی نیمگ ءَ وتی قبضہ ءَ گرگ بوتگ اَنت۔ آئی ءَ گوشت کہ آیوکیں لھتیں روچ ءَ دوئیں گل آنی کراچی ءَ چہ ٹرانزٹ کنگ ءِ گمان انت۔ سینیٹر محمد اسحاق ڈار ءَ گوشت کہ پاکستان ایرانی، امریکہ ءُ برطانیہ ءِ واکدار آنی گوما نزیکیں رابطہ ءَ انت تانکہ اے ایرانی شہری آنی ایمنیں گوزگ ءُ آوانی زوتیں وطن ءَ واتر کنگ ءَ دل یکیمی کنگ بہ بیت۔