حکومت ملک ءِ تہ ءَ کشت ءُ کشاری شوبگ ءَ را نوک کنگ ءِ واستہ مزنیں اصلاحات ءِ سر ءَ عمل کنگ ءَ اِنت، دو سال ءِ تہ ءَ زیتون ءِ تیل ءِ برآمدات ءَ را یک ارب ڈالر ءَ سر کنگ لوٹ ایت، وفاقی وزیر رانا تنویر حسین

اسلام آباد۔17جون  (اے پی پی): راجی فوڈ سیکیورٹی ءُ پٹ ءُ پول ءِ وفاقی وزیر رانا تنویر حسین ءَ گوشت کہ حکومت ملک ءَ کشت ءُ کشاری شوبگ ءَ را نوک کنگ ءِ واستہ مزنیں اصلاحات آنی سر ءَ عمل کنگ ءَ انت ایشی ءِ تہ ءَ بیج ءِ ریگولیشن، پٹ ءُ پول، کشت ءُ کشاری ءِ کمک ءِ پروگرام ءُ ویلیو ایڈڈ ایکسپورٹ ھوار انت۔ حکومت زیتون ءِ تیل ءِ برآمدات ءَ را دو سال ءِ تہا یک ارب ڈالر ءَ سر کنگ لوٹیت۔ گوستگیں کش ءُ چیل آنی تہ ءَ پاکستان ءِ میانجی داری ءَ را جھان ءِ تک ءَ ساڑاھگ بوتگ۔ راجی پڑ ءَ ھم راجی یکوئی ءِ ضلورت اِنت۔ چار شمبے ءِ روچ ءَ راجی اسمبلی ءَ آیوکیں مالی سال ءِ وفاقی بجٹ ءِ سر ءَ گپ ءُ تران ءَ بھر زوری کنان ءَ آئی ءَ گوشت کہ حکومت ملک ءِ کشت ءُ کشاری شوبگ ءَ را نوک کنگ ءِ واستہ مزنیں اصلاحات آنی سر ءَ عمل کنگ ءَ اِنت، ایشی ءِ تہ ءَ میکانائزیشن، بیج ریگولیشن، پٹ ءُ پول، کشت ءُ کشاری ءِ کمک ءِ پروگرام ءُ ویلیو ایڈڈ ایکسپورٹ ھوار اَنت۔ میکانائزیشن زرعی پیداوار ءَ را گیش کنگ ءُ اے شعبہ ءَ را بدل کنگ ءِ ھاتر ءَ یک بنیاتی لوٹ اِنت۔ آئی ءَ گوشت کہ حکومت پیداوار ءِ گہتر کنگ ءِ واستہ ٹیکنالوجی ءِ ٹرانسفر ءُ نوکیں کاشتکاری ءِ رھبند آنی سر ءَ دلگوشی دیگ ءَ اِنت۔ آئی ءَ گوشت کہ 2024 ءَ وھدے کہ استیں حکومت اقتدار ءَ اتک گڈا ملک ءَ 1100 ءِ کساس ءَ رجسٹرڈ سیڈ کمپنی بوتگ انت ایشی ءِ تہ ءَ 450 ءِ کساس ءَ بدانتظامی ءِ تہ ءَ ھوار گندگ بوتگ۔ ایشانی لائسنس منسوخ کنگ بوتگ انت دانکہ کشت ءُ کشاری ءَ را کوالٹی سرٹیفائیڈ بیج رس ایت۔ نگرانی ءِ مھکم کنگ ءِ ھاترا حکومت ءَ نیشنل سیڈ ریگولیٹری اتھارٹی جوڑ کتگ کہ یک آزاتیں ادارگے کہ ایشی ءِ تہ ءَ بورڈ آف گورنرز ھوار اِنت۔ ایشی ءِ کار بیج ءِ شعبہ ءَ را ریگولیٹ کنگ ءُ اے گپ ءَ را دل یکیمی کنگ انت کہ ایوک ءَ سرٹیفائیڈ بیج کشت ءُ کشاری ءَ را سر کنگ بنت ایشی ءَ چہ زرعی پیداوار ءَ را محفوظ کنگ بیت۔ وفاقی وزیر ءَ گوشت کہ حکومت کشت ءُ کشاری پٹ ءُ پول ءَ را ھم اولیت دیگ ءَ انت ءُ پاکستان کشت ءُ کشاری پٹ ءُ پولی کونسل ءَ را بدل کنگ ءِ سر ءَ کار کنگ ءَ انت، اے درگت ءَ چین ءِ اکیڈمی آف ایگریکلچرل سائنسز ءِ گوما کمک بندات کنگ بوتگ۔ ایشانی ماہرین پاکستان ءَ اتکگ انت ءُ پارک ءِ نوکیں دروشم ءِ بابت ءَ سفارش کتگ انت ءُ اے درگت ءَ چینی تکنیکی ماہرین ہم کار ءَ گرگ بوہگ ءَ انت کہ آؤکیں یک ءُ دو سال ءَ موسمی جاور ءِ رد ءَ بیج ءِ وڑ ءُ پیم ءِ دیمروئی ءَ کمک بہ کن انت۔ موسمی مٹ ءُ بدلی ءِ سبب ءَ کشت ءُ کشاری ءِ سرا اثرات ءِ حوالہ ءَ وفاقی وزیر ءَ گوشت کہ پاکستان ءِ کشت ءُ کشاری ءِ شوبگ گیشاں چہ گیش آماچیں شوبگ آنی تہ ءَ ھوار انت۔ آئی ءَ گوشت کہ موسم ءِ بدل بوھگ ءَ چہ فصلانی پیداوار ءِ سر ءَ زیان مندیں آسر بوتگ انت ءُ کشت ءُ کشاری ءِ مردم وت اے آسر آنی گندگ ءَ انت۔ موسمی تاوان ءَ را کم کنگ ءِ واستہ حکومت مشورہ ءِ آسراتی دیگ ءَ انت۔ وفاقی وزیر ءَ گوشت کہ ’’زرخیز اسکیم‘‘ ءِ نام ءَ نوکیں پروگرام بندات کنگ بوتگ ایشی ءِ چیر دستی ءَ 25 ایکڑ ءَ چہ کم زمین ءِ کسانیں کشت ءُ کشاری آناں بید ءِ وام دیگ بیت۔ اے اسکیم ءِ چیر دستی ءَ کرایہ داریں کشت ءُ کشاری ءُ شیئر کراپرز ءَ را ذاتی گارنٹی ءِ وسیلگ ءَ مالی کمک رسگ ءِ وس ءُ واک رسیت۔ آئی ءَ گوشت کہ حکومت ءَ اسٹیٹ بینک آف پاکستان ءَ را ہدایت کتگ کہ آ اے گپ ءَ را دل یکیمی بہ کنت کہ کشت ءُ کشاری وام مزنیں ایگرو بزنس ءُ صنعت آنی بدل ءَ کسانیں کشت ءُ کشاری آنی گور ءَ سر بہ بنت۔ رانا تنویر حسین ءَ گوشت کہ حکومت ءَ یک ہزار زراعت ءِ گریجویٹ چین ءَ روان داتگ انت اودا آ جتا جتائیں پڑ آنی تہ ءَ سئے چہ شش ماہ ءِ عملی تربیتی پروگرام آنی تہ ءَ ھوار کنگ بوتگ انت۔ مزن وزیر شہباز شریف ءِ چین ءِ تر ءُ تاب ءَ پد چین ءِ مزنیں زرعی ادارگ آنی گوما یک ہزار نودربر آنی دگہ بیچ ءِ جار جنگ بوتگ۔ وفاقی وزیر ءَ گوشت کہ حکومت ءَ انوگیں وھد ءَ سئے مزنیں پالیشی آنی منظوری داتگ کہ آ دہائی آنی تہ ءَ زیر التوا بوتگ اَنت ایشی ءِ تہ ءَ نیشنل سیڈ پالیسی ءُ بائیوٹیکنالوجی پالیسی ھوار اَنت کہ اے دوئیں پالیسی آنی تہ ءَ نزیک ءَ 40سال ءِ وھد ءِ وھد ءَ پد دیم ءَ آرگ بوتگ اَنت۔ زیتون ءِ شعبہ ءِ نیمگ ءَ اشارہ کنان ءَ آئی ءَ اے شعبہ ءَ را بے دروریں صلاحیت ءِ گوما گشتگ۔ آئی ءَ گوشت کہ پاکستان ءِ زیتون ءِ پیداوار کنوک آناں کوالٹی ءِ سر ءَ سئے سلور میڈل زرتگ ءُ ملک ءَ دمگی کارمرد ءِ باوجود نزیک ءَ 80ملین ڈالر ءِ زیتون برآمد کتگ۔ آئی ءَ گوشت کہ حکومت زیتون ءِ تیل ءِ برآمدات ءَ را جوانیں کمک ءِ گوما دوسال ءِ تہ ءَ یک ارب ڈالر ءَ سر کنگ لوٹ ایت۔ اسپین ءِ تر ءُ تاب ءِ حوالہ ءَ آئی ءَ گوشت کہ اودا حکام ءَ آئی ءَ را گشتگ کہ اسپین ءَ زیتون ءِ تیل ءِ برآمدات ءَ چہ سالانہ 11ارب ڈالر ءِ آمدنی رسیت وھدے کہ پاکستان ءِ سرجمیں زرعی برآمدات ءِ شوبگ ءِ کساس ھمے رنگ ءَ انت کہ ایشی ءِ تہ ءَ برنج ءِ برآمدات ءِ تہ ءَ 4ارب ڈالر ءِ کساس ءَ ھوار انت۔ زراعت ءِ تہا ویلیو ایڈیشن ءِ ضلورت ءِ سرا زور پر دیان ءَ آئی ءَ گوشت کہ خام مال ءِ برآمد کنگ ءِ بدل ءَ زرعی مصنوعات ءِ سر ءَ دلگوشی دیگ ءَ برآمداتی آمدنی ءَ را مزنیں کساسے ءَ گیش کنگ بوت کنت۔ وفاقی وزیر ءَ نوک بندات بوتگیں ضلعی دیمروئی پروگرام ءِ ذکر کنان ءَ گوشت کہ اے پروگرام ملک ءِ 10پشت کپتگیں ضلع آنی تہ ءَ بندات کنگ بوھگ ءَ اِنت۔ اے گامگیج ءِ چیر دستی ءَ 5 ایکڑ ءَ تاں زمین ءِ واھندیں کشت ءُ کشاری ءَ را براہ راست مالی کمک، لائیو سٹاک ءِ کمک ءُ پیداوار ءِ ترغیب رس ایت ایشی ءِ تہ ءَ 10کروڑ کلدار ھوار اِنت۔ 15،000 فی ایکڑ ءِ سرا۔ اے پروگرام ءَ چہ کسانیں کشت ءُ کشاری ءَ را کوالٹی ان پٹ ءِ رسگ ءَ کمک رسیت، پیداواری ءَ را گہتر کنگ ءُ نوکیں کاشتکاری ءِ رھبنداں زورگ ءَ کمک رسیت۔ وفاقی وزیر ءَ فارمرز پروڈیوسر آرگنائزیشن اسکیم ءِ ھم ذکر کت کہ ایشی ءِ چیر دستی ءَ کسانیں کشت ءُ کشاری ءَ را 100 ایکڑ ءَ تاں کوآپریٹو جوڑ کنگ ءِ واستہ دلبڈی دیگ بیت۔ رجسٹرڈ گروپ آناں مشینری، ہارویسٹر ءُ دگہ زرعی سامان آنی رنگ ءَ کمک رس ایت۔ آئی ءَ گوشت کہ پاکستان ءِ نزیک ءَ 95درسد کشت ءُ کشاری کسانیں زمیندار اَنت کہ آ وتی وس ءَ میکانائزیشن، گہتریں بیج ءُ نوکیں ان پٹ ءِ وس ءَ نہ کن اَنت۔ کوآپریٹو کاشتکاری ءَ چہ آہاں پیمانہ ءِ معیشت ءِ فائدہ رسیت ءُ پیداوار ءِ سطح ءَ را گیش کنت۔ رانا تنویر حسین ءَ گوشت کہ پاکستان ءَ چین ءُ سعودی عرب ءَ چہ درملکی سرمایہ کار کنٹریکٹ فارمنگ ءُ کشت ءُ کشاری سرمایہ کاری منصوبگ آنی تہ ءَ دلگوشی ءِ درشان کتگ۔ آئی ءَ استانی گامگیج آنی نیمگ ءَ اشارہ کت۔ آئی ءَ تران کنان ءَ پنجاب ءِ سود ءِ چہ ھلاسیں کسان کارڈ پروگرام ءِ توسیپ کت کہ ایشی ءِ چیر دستی ءَ نزیک ءَ 8لکھ کسانیں کشت ءُ کشاری رجسٹرڈ کنگ بوتگ اَنت۔ صوبائی حکومت ءَ اے منصوبہ ءِ واستہ گیشیں فنڈز ایر کتگ انت ءُ شفاف بیلٹنگ ءِ وسیلگ ءَ ٹریکٹر، شمسی توانائی ءَ چہ کار کنوکیں ٹیوب ویلز ءُ زرعی میکانائزیشن ءِ واستہ کمک کنگ ءَ انت۔ پیداوار ءِ ھرچ ءُ درچ ءَ را کم کنگ ءُ کشت ءُ کشاری کارکردگی ءَ را گہتر کنگ ءِ واستہ پنجاب ءَ سولرائزیشن پروگرام ءُ ایندگہ کشت ءُ کشاری ءِ کمک ءِ واستہ مزنیں کساسے ءِ ٹرانسفر کتگ۔ رانا تنویر حسین ءَ وفاقی بجٹ ءَ را استیں اقتصادی جاور آنی تہ ءَ پیش کنگ بوتگیں جوانیں بجٹ آنی تہ ءَ یکے لیکگ ءَ گوشت کہ ایشی ءَ را جتا جتائیں شوبگ آنی نیمگ ءَ چہ سٹیک ہولڈر آنی نیمگ ءَ چہ مزنیں ستا رستگ۔ وفاقی وزیر ءَ گوشت کہ بجٹ ءَ را بزنس کمیونٹی، سول سوسائٹی ءُ چاگرد ءِ ایندگر تبک ءِ نیمگ ءَ چہ جوانیں پسو رستگ۔ آئی ایم ایف پروگرام ءِ وعدہ ءُ مالی وسیلگ ءِ کمی ءَ ابید حکومت ءَ نوکیں ٹیکس نہ جتگ بلکیں ایکسپورٹر ءُ جتاجتائیں صنعت آناں ترغیب داتگ۔ رانا تنویر حسین ءَ گوشت کہ حکومت ءَ کھرباں کلدار ءِ ٹیکس ءُ ڈیوٹی کم کتگ ءُ ٹیکس آنی تہ ءَ جوانیں رنگ ءَ عمل کنگ ءُ مھکمیں نفاذ ءِ وسیلگ ءَ آمدنی ءِ کمی ءَ را پُر کنگ ءِ منصوبگ بندی کنگ ءَ اِنت۔ آئی ءَ فیڈرل بورڈ آف ریونیو ءِ تہ ءَ جاری اصلاحات ءِ سر ءَ زور پر دات ، ھاسیں رنگ ءَ بے دیمیں ٹیکس ءِ جائزہ ءِ نظام ءِ سر ءَ زور پر دات کہ اکتوبر ءَ کار بندات کنگ ءِ جار جنگ بوتگ ۔ نوکیں طریقہ کار ءِ رد ءَ ٹیکس ریٹرن ءُ ڈیکلریشن ءِ سر ءَ یک مرکزی ڈیجیٹل سسٹم ءِ وسیلگ ءَ کارروائی کنگ بیت ایشی ءَ چہ ٹیکس دہندگانی ءُ افسر آنی نیام ءَ براہ راست رابطہ کم بیت۔ وفاقی وزیر ءَ گوشت کہ جائزہ، چار ءُ تپاسی ءُ پیسلہ کنگ ءِ جتا جتائیں پڑ آناں جتا جتا کار کنگ بیت، ایشی ءَ چہ شفافیت ءَ را دل یکیمی کنگ ءُ کرپشن ءِ موہ کم کنگ بنت۔ ٹیکس دہندگانی زانت نہ بیت کہ کجام افسر وتی کیس ءَ دیم ءَ برگ ءَ اِنت وھدے کہ افسراں انفرادی ٹیکس دہندگانی بابت ءَ ھم محدودیں زانتکاری ھست بیت، ایشی ءَ چہ اے عمل گیش غیر جانبدار بیت۔ نیشنل فنانس کمیشن ءِ ایوارڈ ءِ حوالہ ءَ رانا تنویر حسین ءَ گوشت کہ ھچ وڑیں نظام چار ءُ تپاسی ءُ گہتری ءَ چہ در نہ اِنت، البت آئی ءَ گوشت کہ ترمیم ءِ ھوالگ ءَ ھرچ وڑیں گپ ءُ تران صوبائی حکومت ءَ ھوار درستیں سٹیک ہولڈر آنی گوما شور ءُ سلاھ ءُ تپاکی ءَ بہ بیت۔ آئی ءَ دمگی کشیدگی آنی سبب ءَ پیداکیں اقتصادی چیلنج آناں ھاسیں رنگ ءَ ایران، اسرائیل ءُ امریکہ ءِ نیام ءَ جیڈھ آنی گیواری ءِ تہ ءَ حکومت ءِ رھبند ءِ سر ءَ زور پر دات۔ وفاقی وزیر ءَ گوشت کہ پاکستان ءَ ایندھن ءِ پھجاری ءُ امن ءُ ایمنی ءِ تہ ءَ ھچ وڑیں رکاوٹ ءِ بغیر جاور ھال آناں سوبمندیں رنگ ءَ دیم ءَ برتگ۔ آئی ءَ گوشت کہ حکومت ءَ پٹرولیم مصنوعات ءِ برجائی دستیابی ءَ را دل یکیمی کتگ وھدیکہ خطہ ءِ بازیں ملک آنی سرا دباؤ انت۔ ہمساہگیں ملکانی برخلاف پاکستان ءَ پٹرول پمپ آنی سر ءَ کمی، زرّ ءِ گرگ یا مزنیں رکاوٹ ءِ آماچ نہ بوتگ۔ رانا تنویر حسین ءَ گوشت کہ اے شوبگ پاکستان ءِ معیشت ءِ ریڑھ ءِ ھڈ اِنت بلے اے گپ منگ بیت کہ کشت ءُ کشاری ءَ را بازیں وھد ءَ چہ مشکلات ءِ آماچ بوھگ ءَ اِنت۔ آئی ءَ گوشت کہ مزن وزیر شہباز شریف کشت ءُ کشاری ءَ را ترجیحی شوبگ لیک ایت کہ ایشی ءَ چہ نسبتا کمیں وھد ءِ تہ ءَ اقتصادی آسراتی رس ایت۔ حکومت کشت ءُ کشاری ءِ سیت ءُ پیداواری ءِ تہ ءَ گیشی ءِ سر ءَ ھاسیں دلگوشی دیگ ءَ اِنت۔ زرعی پٹ ءُ پول ءُ دیمروئی ءِ تہ ءَ چین ءِ گوما پاکستان ءِ گیش بوھوکیں کمک ءِ سر ءَ چمشانک دیان ءَ آئی ءَ گوشت کہ زرعی تکنیک آناں گہتر کنگ، پٹ ءُ پولی گنجائش ءَ را گیش کنگ ءُ نوکیں ٹیکنالوجی آناں دیم ءَ آرگ ءِ واستہ چینی تجربگ کارمرد کنگ بوھگ ءَ اِنت۔ آئی ءَ گوشت کہ 18می ترمیم ءَ پد کشت ءُ کشاری بنیاتی رنگ ءَ صوبائی مضمون اِنت، ایشی ءَ چہ وفاقی حکومت ءِ براہ راست کرد ءَ را محدود کنگ بیت، البت وفاقی حکومت ہم آہنگی، پالیسی ءِ رہشونی ءُ دیمروئی گامگیج آنی وسیلگ ءَ اے شوبگ ءِ کمک ءَ برجاہ دار ایت۔ آئی ءَ گوشت کہ استیں بجٹ ءَ کشت ءُ کشاری پیداوار آنی سر ءَ نوکیں ٹیکس ایر کنگ نہ بوتگ، دمگی جیڈھ آنی سبب ءَ گلوبل کھاد ءِ سپلائی چین ءَ رکاوٹ آنی باوجود حکومت ءَ 2024ءَ چہ اقتدار ءِ زمہ واری ءِ سر ءَ زورگ ءَ پد یوریا ءِ مھکمیں سپلائی برجم داشتگ ءُ نرخ آنی تہ ءَ گیشی ءِ موہ نہ داتگ۔ آئی ءَ گوشت کہ ھمساھگیں ملک آنی تہ ءَ کھاد ءِ نرخ آنی تہ ءَ سک باز گیشی بوتگ، وھدیکہ پاکستان ءَ یوریا ءِ برجا دستی ءَ را دل یکیمی کنگ بوتگ تانکہ کشت ءُ کشاری آنی سر ءَ گیشیں بوجھ مہ بیت۔ حکومت ءَ فارم مشینری ءُ سامان (بشمول کٹائی) ءِ سر ءَ 60 درسد سبسڈی ءِ جار جتگ وھدے کہ ٹریکٹر یک جتاھیں اسکیم ءِ چیر دستی ءَ اَنت۔ سبسڈی میکانائزیشن پروگرام ءِ تہا جتا جتائیں زرعی سامان ہوار انت۔ آئی ءَ گوشت کہ کشت ءُ کشاری ءَ را روایتی کشت ءُ کشاری ءَ چہ دور بوھگ ءُ کارکردگی ءُ پیداواری ءِ تہ ءَ گہتری ءِ واستہ نوکیں تکنیک آناں وتیگ کنگ ءِ واستہ دلبڈی دیگ بوھگ ءَ انت۔ اے پروگرام ءِ چیر دستی ءَ ہزاراں سپر سیڈر ہم بہر کنگ بوہگ ءَ انت کہ ایشی ءِ تہا پنجاب ءَ 5ہزار ءِ کساس ءَ یونٹ مفت ءَ داتگ انت۔ سندھ ءَ صوبائی حکومت ءَ کشت ءُ کشاری ءَ گوں سیادی داروکیں گامگیج آنی واستہ نزیک ءَ 52ارب کلدار ءِ زرّ ایر کتگ انت۔ اے اسکیم ءَ چہ 20-25 ایکڑ ءَ تاں کشت ءُ کشاری کنوکیں کشت ءُ کشاری ءِ ھاتر ءَ کود ءِ ھرچ ءُ درچ ءَ سرجمی ءَ یا مزنیں کساسے ءَ کم کنگ بیت۔ خیبر پختونخوا ءَ کشت ءُ کشاری ءِ شوبگ ءِ دیمروئی ءِ واستہ نزیک ءَ 26ارب کلدار ایر کنگ بوتگ۔ صوبہ ءَ ”ہری کارڈ“ ءِ گامگیج ھم بندات کتگ کہ ایشی ءِ تہ ءَ ھاسیں رنگ ءَ کسانیں کشت ءُ کشاری ءَ را مالی کمک ءُ نرمیں وام دیگ بنت وھدے کہ بلوچستان ءَ بازیں کشت ءُ کشاری کمک ءُ مارکیٹ ءِ دیمروئی پروگرام بندات کتگ کہ ایشی ءِ تہ ءَ ذخیرہ کنگ ءِ آسراتی، پروسیسنگ ءُ ارزشت ءِ گیش کنگ ءِ سر ءَ دلگوشی دیگ بوتگ۔ استان ءِ زرعی حمایت ءِ کمک ءِ نزیک ءَ چند ارب روپیہ انت۔ ھمک صوبہ آنی تہ ءَ لائیو سٹاک ءِ کمک ءِ جتا جتائیں پروگرام ھم بندات کنگ بوتگ اَنت۔ پنجاب ءَ کسانیں کشت ءُ کشاری ءِ ھاتر ءَ لائیو سٹاک ءِ کمک ھم بندات کنگ بوتگ ایشی ءِ تہ ءَ ڈیری فارمنگ ءُ آمدنی ءِ ھاتر ءَ لائیو سٹاک ءِ بھر ءُ بانگ ءِ اسکیم ھوار اَنت۔ آئی ءَ گوشت کہ اے وفاقی ءُ صوبائی گامگیج آنی مول ءُ مراد کشت ءُ کشاری پیداوار ءَ را گیش کنگ، میکانائزیشن ءِ دیمروئی ءُ ٹارگٹڈ سبسڈی ءُ کریڈٹ آسراتی ءِ وسیلگ ءَ کسانیں کشت ءُ کشاری ءِ کمک کنگ اِنت۔ رانا تنویر حسین ءَ پاکستان ءِ نوکیں سفارتی سوبمندی آنی بابت ءَ گپ جنان ءَ راجی یکوئی ءُ آئی ءَ سیاسی استحکام ءِ اپیل کتگ۔ آئی ءَ گوشت کہ گوستگیں دمگی ردوم آنی پد ءَ ملک میاں اوستمانی تک ءَ مھکم تر بوتگ ۔ وفاقی وزیر ءَ گوشت کہ پاکستان ءَ ثالثی ءِ کوشست آنی تہ ءَ سرگرمیں کرد پیلو کتگ ءُ گوستگیں چیلنج آنی وھد ءَ سیاسی گل ءُ راج ءِ نیمگ ءَ پیش داشتگیں یکوئی ستا کرز انت۔ آئی ءَ مزن وزیر شہباز شریف ءُ فیلڈ مارشل سید عاصم منیر ءِ عزم ءُ کوشست آناں ساڑات ءُ گوشت کہ فوجی سروکی گپ ءُ تران ءِ ساھت ءَ ھوار بوتگ ءُ ھمگرنچیں اسٹیک ہولڈر آنی گوما رابطہ برجم داشتگ، ایشی ءِ سبب ءَ جنگ بندی ءُ تپاک کنگ بوتگ، اے سوبمندی ءَ چہ سروکی ءِ عزم ءِ درشان بوتگ۔ گوستگیں سال ءَ بھارت ءِ گوما جیڈھ ءِ ھوالگ ءَ وفاقی وزیر ءَ گوشت کہ پاکستان ءِ سلاہ بندیں اُرد ءَ پیشہ وارانہ رنگ ءِ درشان کتگ۔ پاکستان ءِ پسو ءَ چہ بھارت ءَ را میانجی داری ءُ جنگ بندی کنگ ءَ مجبور کت ءُ ایشی ءَ پاکستان ءِ میان استمانی بستار گیش کت۔ آئی ءَ ناشرکاری ءِ ھوالگ ءَ جھان ءِ لیکہ ءِ تہ ءَ بدلی ءِ ذکر کت ءُ اقلیت ءُ مسلمان آنی ھلاپ ءَ بھارتی مزن وزیر نریندر مودی ءِ پالیسی آنی سر ءَ ایراد گپت۔ آئی ءَ گوشت کہ پاکستان ءَ را دمگی ءُ میاں اوستمانی کار آنی تہ ءَ یک ھاسیں کردار ءِ رنگ ءَ منگ بوھگ ءَ انت۔ اسلام آباد ءِ ھوالگ ءَ سفارتی گامگیج ءُ گند ءُ نند آنی ذکر کنان ءَ وفاقی وزیر ءَ مزن وزیر شہباز شریف ءِ مفاہمت نامہ ءِ گڈی رنگ ءِ جار ءِ میاں اوستمانی میڈیا کوریج ءِ حوالہ دات ءُ برطانوی پارلیمنٹ ءِ باسک آنی ستا ءِ ذکر کت۔ سیاسی تپاکی ءِ اپیل کنان ءَ آئی ءَ گوشت کہ توامیں سیاسی گل آناں راجی چیلنج آنی وھد ءَ پیش داشتگیں یکوئی ءِ روح ءَ را دیم ءَ برگ ءِ ضلورت اِنت۔ معاشی چیلنج آں گوں گر ءُ چیل بوھگ ءِ واستہ سیاسی برجائی المی انت ۔ وفاقی وزیر ءَ راجی استحکام ءِ واستہ سیاسی اسٹیک ہولڈر آنی گوما گپ ءُ تران کنگ ءِ وتی رضامندی ءِ پدا زور دات ءُ تعمیری گپ ءُ تران ءَ را دیمروئی ءِ جوانیں راہ لیک ات۔ اپوزیشن ءِ باسک آنی تنقید ءِ پسو ءَ آئی ءَ حاکمیں اتحاد ءِ باسک آنی گچینکاری سوبمندی آنی دفاع کتگ۔ آئی ءَ گوشت کہ سیاسی اختلاف راجی نپ آنی تاوان ءَ مہ رسیت ءُ پاکستان ءِ دیمروئی ءُ اقتصادی زندگ بوھگ ءِ تہ ءَ جوانیں کرد ءِ پیلو کنگ ءِ گوں توامیں فریق آں اپیل ءِے کتگ۔