اسلام آباد۔17جون (اے پی پی): سندھ ءِ گورنر نہال ہاشمی ءَ پارلیمنٹ گس ءَ راجی اسمبلی ءِ اسپیکر سردار ایاز صادق ءَ گوں گند ءُ نند کتگ، ایشی ءِ تہ ءَ راجی ارزشت ءِ معاملہ، پارلیمانی معاملہ ءُ سندھ ءِ دیمروئی ءِ ھوالگ ءَ جیڈھ آنی سر ءَ گپ ءُ تران بوتگ۔ چار شمبے ءِ روچ ءَ راجی اسمبلی ءِ سیکرٹریٹ ءِ نیمگ ءَ جاڑی بوتگیں بیان ءِ رد ءَ …
سندھ ءِ گورنر نہال ہاشمی ءَ راجی اسمبلی ءِ اسپیکر سردار ایاز صادق ءَ گوں گند ءُ نند
گیشتریں ھال
اسلام آباد۔17جون (اے پی پی): سندھ ءِ گورنر نہال ہاشمی ءَ پارلیمنٹ گس ءَ راجی اسمبلی ءِ اسپیکر سردار ایاز صادق ءَ گوں گند ءُ نند کتگ، ایشی ءِ تہ ءَ راجی ارزشت ءِ معاملہ، پارلیمانی معاملہ ءُ سندھ ءِ دیمروئی ءِ ھوالگ ءَ جیڈھ آنی سر ءَ گپ ءُ تران بوتگ۔ چار شمبے ءِ روچ ءَ راجی اسمبلی ءِ سیکرٹریٹ ءِ نیمگ ءَ جاڑی بوتگیں بیان ءِ رد ءَ اسپیکر راجی اسمبلی ءَ نیہل ہاشمی ءَ را گورنر سندھ ءِ اگدہ ءِ سر ءَ مبارک بات داتگ ءُ فیڈریشن ءُ صوبگ آنی نیام ءَ موثر رابطہ ءُ کمک ءِ ارزشت ءِ سر ءَ زور پر داتگ۔ گورنر سندھ ءَ ایوان ءِ کاروائی غیر جانبدار رنگ ءَ کنگ ءِ پد ءَ اسپیکر سردار ایاز صادق ءَ را ساڑات۔ گند ءُ نند ءَ جمہوری ادارگ آناں مھکم کنگ ءُ پارلیمانی روایات آناں دیمروئی دیگ ءِ جزم ءِ درشان کنگ بوت۔ گند ءُ نند ءَ وفاقی وزیر تہی کار سید محسن رضا نقوی ءُ مملکت ءِ تہی کار طلال چوہدری ءَ ھم بہر زرتگ۔ گند ءُ نند ءَ راجی اسمبلی ءِ باسک اعجاز حسین جاکھرانی ءُ عبدالقادر پٹیل ھم ساڑی اتنت۔
