مزن وزیر شہباز شریف ءُ فیلڈ مارشل سید عاصم منیر ءَ ملک ءِ نام سہرا کتگ، سینیٹر عابد شیر علی

اسلام آباد۔17جون  (اے پی پی): پاکستان مسلم لیگ ءِ سینیٹر عابد شیر علی ءَ گشتگ کہ مزن وزیر محمد شہباز شریف ءُ فیلڈ مارشل سید عاصم منیر ءَ جھان ءِ امن ءِ تہا مزنیں کردے پیلو کتگ ءُ ملک  ءِ نام سہرا کتگ۔ چار شمبے ءِ روچ ءَ ایوان بالا ءِ دیوان ءَ مالیاتی بجٹ 27-2026 ءِ ھوالگ ءَ گپ ءُ تران ءَ بھر زوری کنان ءَ آئی ءَ گوشت کہ وھدے نواز شریف مزن وزیر بوتگ ملک دیمروئی ءِ کشک ءَ بوتگ۔ مہلوک ءِ ریلیف ءِ واستہ گامگیج چست کنگ بوت انت۔ تحریک انصاف ءِ دور ءَ اپوزیشن ءِ سیاستدان جیل ءَ بند کنگ بوتگ انت۔ بجلی ءِ نرخاں مزنیں کساسے ءَ گیش کنگ بوت، ملک ءِ معیشت ءِ ھلاس بوھگ ءِ کش ءَ آرگ بوت، ملک ءِ دیوالیہ بوھگ ءِ نزیک ات۔ مئی ءَ فوجی تنصیبات نشانگ جوڑ کنگ بوتگ اَنت اگاں اے بدلی کنگ بوتین اَنت گڑا ملک ءِ معیشت گہتر بوتگ اَت۔