امریکا ئَ کوئٹہ ئَ پولیس ٹریننگ اکیڈمی ئِ سر ئَ ناشرکاری اُرش ئَ را مذمت کتگ

واشنگٹن۔ 25 اکتوبر (اے پی پی) امریکا ئَ کوئٹہ ئَ پولیس ٹریننگ اکیڈمی ئِ سر ئَ ناشرکاری اُرش ئَ را مذمت کتگ۔ درئی کارانی دارچین ئِ رد ئَ جان کربی ئَ سئے شمبے ئِ روچ ئَ کوئٹہ ئَ پولیس ٹریننگ اکیڈمی ئِ سر ئَ ناشرکاری اُرش ئِ مذمت کنان ئَ گوشتگ کہ شہید بوتگیں مردم آنی سیاد ئُُ وارسانی گوما اے موتکی ساھت ئَ یک دل ئَ گون آں ئُُ ٹپیگ آنی زوت جان دُرائی ئَ پہ دُعا ئِ نیک ئِ درشان کتگ۔ دارچین ئَ گوشتگ کہ ما اُرش ئِ تہ ئَ بیران بوتگیں ھما پولیس کیڈٹس کہ پولیس ئَ کیریئر جوڑ کنگ ئَ اتکگ بوتگ اَنت ئُُ اے بدیں وئیل ئِ آماچ بوتگ اَنت ما آوانی ھاندان ئِ گم ئَ ھوار آں۔ ما اے سکیں ساھت ئَ پاکستان ئُُ اُلس ئُُ حکومت ئِ گوما یک پاد ئَ اوشتاتگ آں ئُُ ما ناشرکاری ئِ بیم ئَ گوں گر ئُُ چیل بوھگ ئَ سرجمیں پڑ ئَ شریک آنی گوما ھواری ئَ کار کن آں۔