اسلام آباد۔ 24اکتوبر (اے پی پی) سیکرٹری الیکشن کمیشن بابر یعقوب پارینے کہ رزلٹ مینجمنٹ سسٹم نا کاریم اٹ اتنگ و داڑکن گچین کاری آ غور کننگ انگ ئِ ، دا سسٹم نا ماسٹر ٹرینرز آن اومیت ئِ کہ او شیفکو کہول آ ہنسا عملہ نا تربیت اٹی نمان کڑدادا کے وخت اس کہ الیکشن کمیشن نا کنڈآن اِرادے ئی رزلٹ مینجمنٹ سسٹم و جی آئی ایس پولنگ سکیم نا ماسٹر ٹرینرز نا اِرا دے ئی تربیتی ورکشاپ اسلام آباد نا ہندی ہوٹل اٹی بناءکرے ہراٹی مچ آ ملک آن 20ڈپٹی ڈائریکٹرز، اسسٹنٹ ڈائریکٹرز تون اوار آئی ٹی آن تعلقدار افسرآک شریک ئُ۔ افتتاحی دود آن تران کرسا سیکرٹری الیکشن کمیشن پارے کہ 2013ءنا گچین کاری تا جاچ اکن قائم کمیشن تربیت نا کمتی نا پیدواری ئِ کرے ہراڑآ داسا خصوصی توجوہ تخنگ انگ ئِ ۔ الیکشن کمیشن اسہ ٹیم اسے تون مون آ ہِننگ ئِ ، اگہ دا ٹیم سرسہب مس تو دا کمیشن نا سرسہبی ئِ وخت اس کہ ڈی جی آئی ٹی خضر عزیز بریفنگ ترسا پارے کہ پاکستان دنیا نا اولیکو ملک ئِ ہرا ایس ایم ایس آووٹر لسٹ شاغانے۔ جی آئی ایس سسٹم نا رداٹ مچ آ پاکستان نا پولنگ اسٹیشن آتا عکس گوگل میپ آ ساڑی مریرہ۔ گھوسٹ پولنگ اسٹیشن آتے چٹفنگک۔ غٹ ڈیٹا انٹری آپریٹرز آتے فون سیٹ ایتنہ۔ جیو ٹیگ ئِ اپریل اسکان گڈیکو دروشم تننگک وخت اس کہ گچین کاری شیڈول آن 6تو مست اسکان پولنگ اسٹیشن اٹی ہچ ئُ بدلی اس مفک۔ اوپارے کہ 2018ءٹی مچ آ ملک انا 849حلقہ غاتیٹی آر ایم ایس ئِ کاریم اٹ اتنگک ہرانارداٹ فارم 16و 17خودکار وڑاٹ دستیاب مریک وخت اس کہ فارم 14نا ڈیٹا درج مریک۔ اوپارے کہ اقوام متحدہ نا شونداری پروگرام یو این ڈی پی نا کمک آن 350سیٹ ہلکونے ۔ اوپارے کہ بدانتظامی و دھاندلی ٹی بنداوی پرخ ئِ۔ چیف الیکشن کمیشن و سیکرٹری الیکشن کمیشن آئی ٹی نا کاریم اٹ اتنگ اٹی پبی مہارت تخک۔ 2018ءنا گچین کاری تیٹی الیکشن کمیشن بھاز تیاری اٹ ہِننگ ئِ۔
