اسلام آباد۔ 24اکتوبر (اے پی پی) انسداد دہشت گردی نا خصوصی عدالت نا جج سید کوثر عباس زیدی نا رخصت نا سوب بلیو ایریا سم کاری کیس انا سماعت بیدس سماعت آن 7نومبر اسکان ملتوی کننگا۔ دوشنبے آ دوبہ دار سکندر ئِ سخت سیکورٹی ٹی عدالت اٹی پیش کننگا ولے فاضل جج رخصت آ ئسک۔ دوبہ دار سکندر عدالتی کارندہ غاتیان ہریفے کہ کنا کیس انا فیصلہ چوخت مریک تو سرکاری وکیل دوبہ دار ئِ پارے کہ نا کیس انا فیصلہ زوت ہی مریک۔ یات سلے کہ تھانہ کوہسار پولیس دوبہ دار سکندر و اونا اُرائی کنول نا برخلاف پنی واپاری بنجا بلیو ایریا ئِ بند کننگ کارسرکار اٹی نیام تمنگ نا دوبہ ٹی مقدمہ درج کرسا کارروائی نا بنائِ کریسس۔
