بھارتی فوج انا ہڑپال، پکھلیاں و چارواہ سیکٹر اٹی ورکنگ باﺅنڈری آ بلااشتعال سم کاری آن کم وئی چناس و شاری اس شہید، 7 ٹھپی ئِ سی ایم ایچ سیالکوٹ آ گدریفنگا
راولپنڈی۔ 24اکتوبر (اے پی پی) بھارت نا کنڈآن تدوک آ نن ہڑپال ، پکھلیاں و چارواہ سیکٹر اٹی ورکنگ باﺅنڈری آ بلااشتعال سم کاری آن کم وئی چناس و شاری اس شہید مس، سم کاری نا دا چرجوئی وقفہ وقفہ آن دوشنبے نا سہب اسکان برجاءسلیس۔ آئی ایس پی آر نا کنڈآن جاری بیان نا رداٹ جنگلورہ خلق انا شاری محمد لطیف و یکونیم سال انا ہنیا بھارت نا بلااشتعال سم کاری آن شہید مسر وخت اس کہ ہفت شاری ٹھپی مسر۔ پاکستان رینجرز پنجاب ہڑپال ، پکھلیاں و چارواہ سیکٹر اٹی ورکنگ باﺅنڈری آ بھارتی بلااشتعال گولہ باری و سم کاری نا منہ توڑ ورندی تس۔ وقفہ وقفہ آن سم کاری نا چرجوئی مچ آ نن برجاسلیس داکان بیدس ٹھپی مروک آتے سی ایم ایچ سیالکوٹ آ گدریفنگا۔
