اسلام آباد۔ 24اکتوبر (اے پی پی) بنجائی وزیر مذہبی امور سردار محمد یوسف پرائیویٹ حج رڑ آرگنائزرز تون پارینے کہ سرکاری اسکیم آنبار اوہم حج پیکج ئِ کم کے۔ بنجائی کابینہ حج و عمرہ ایکٹ نا منظوری ئِ تسنے ہرادے زوت اسے اٹ اسمبلی آن منظور کرفنگک۔ عمرہ نا کمک اٹ ذاتی مفاد دوئی کروک آتا محاسبہ ئِ کننگک۔ سرکاری اسکیم مرے یا پرائیویٹ اسکیم اللہ نا مہمان تا خذمت نا بایدے جوزہ مرے انتئے کہ عبادت آن جنت و خذمت آن ”اللہ “ ملک۔ اودوشنبے آ داڑے حج رڑآرگنائزرایسوسی ایشن آف پاکستان (ہوپ) نا پوسکن گچین مروک عہدیدار آتا سوغندی دود آن تران کریکہ۔ وزیر مذہبی مور حج 2016ءنا شون و شان سرسہبی آ ایچ جی اوز ئِ مبارکباد پیش کرے و پارے کہ وزیراعظم محمد نواز شریف اودے ہراتم وزارت نا زمواری ئِ تسوسس تو دااوڑکن اسہ بھلو چیلنج اس ئس انتئے کہ داکان مست انا حالیت آتیان غٹ جوانی اٹ واقف ئُ۔ 2013ئ،2014ءو 2015ءنا حج آپریشن آتیٹی الس سرکاری اسکیم ئِ زبردست پذیرائی تس۔ حج 2016ءکن اِرالکھ 80ہزار درخواست آتا جمع مننگ داہیت انا صفا ثبوت اسے۔ سرکاری اسکیم مرے یا پرائیویٹ ننا مقصد حاجی تا خذمت مرے۔ پرائیویٹ سیکٹر ئِ ہم حج بست وبند آتا بابت نن صلابت اٹی اوار کرینن۔ غٹ انا اسیجائی کوشست آتیان حج آپریشن سرسہبی آن ہمکنار مسنے۔ اوپارے کہ حج آپریشن حکومت و پاکستان کن نیک نامی نا سوب مسنے۔ خلقت آک وزیراعظم و اودے مبارکبادی نا چھٹی راہی کننگ ئُ السی کہول آ حج آپریشن ئِ زبردست پذیرائی دوئی مسنے او حج آپریشن اٹی ذرائع ابلاغ نا کڑدانا خاص وڑاٹ ستائِ کرے۔ وزیر مذہبی امور پارے کہ حج و عمرہ عبادت ئِ سرکاری فرض تینا جاگہ غا نن دا فرض ئِ عبادت سرپند کرسا ادا کینہ۔ عمل نا دارومدار نیت آٹی ئِ۔ پرائیویٹ ٹوور آپریٹرز آک ہم دا فرض ئِ عبادست سمجھسا کیر و اوفتا مقصد بایدے حاجی تا خذمت مرے ، عبادت آن جنت ملک وخت اس کہ خذمت آن ”اللہ “ ملک ۔ وزیر مذہبی امور ”ہوپ“ نا پوسکن گچین مروک آ عہدیدار آتیان سوغندہلک۔ ”ہوپ“ انا کنڈآن وزیر مذہبی امور سردار محمد یوسف ئِ حج 2016ءنا سرسہب آپریشن آ مبارکبادی پیش کننگا و اودے یات گاری شیلڈ اس ہم تننگا۔ دود اٹی بنجائی سیکرٹری مذہبی امور سہیل عامر و جوائنٹ سیکرٹری محمد فاروق ہم شرکت کریر۔ داکان مست ہوپ نا چیئرمین ندیم شریف خطبہ استقبالیہ پیش کرے و سرسہب حج آپریشن آ وزیر مذہبی امور و وزارت مذہبی امور نا کوشست آتا خاص وڑاٹ ستائِ کرے۔
