اولیکو اِرا مرحلہ غاتیٹی 51ہزار خاہوت پدی تینا علاقہ غاتیا ہنانو، پولیٹیکل ایجنٹ
اسلام آباد۔ 24اکتوبر(اے پی پی) قطبی وزیرستان نا بے اُرا بندغ آتا پدی ہِننگ نا مسٹ میکو مرحلہ (اینو) سے شنبے آ دُوارہ بناءکیک۔ قطبی وزیرستان نا پولیٹیکل ایجنٹ کامران آفریدی اے پی پی ئِ پارے کہ بے اُرا بندغ آتا خاہوت آتا پدی ہِننگ کن پلان اس مرتب کننگاسس ہراٹی بے اُرا بندغ آتا پدی ہِننگ ئِ چار بشخ آتیٹی بشخ وپانٹ کننگاسس۔ داکان مست اولیکو اِرا مرحلہ پورو کننگانو ہرافتے ٹی 51ہزار خاہوت پدی تینا علاقہ غاتیا ہنانو وخت اس کہ مسٹ میکو مرحلہ نا بناء25اکتوبر آ کننگ انگ ئِ ہراٹی تقریباََ 20ہزار خاہوت نا پدی ہِننگ نا بست و بند کننگانے۔ اوپارے کہ قطبی وزیرستان نا 82ہزار خاہوت آپریشن ضرب عضب نا وخت آ زہمی مسوسر ہرا فاٹا ڈیزاسٹر مینجمنٹ اتھارٹی تون رجسٹرڈ ئُ۔ اوپارے کہ بے اُرا بندغ آتے پدی ہِننگ نا وخت آ 25ہزار روپئی کیش گرانٹ وخت اس کہ دہ ہزار روپئی کرایہ نا مدت اٹی بذریعہ موبائل سم تننگک۔ اوپارے کہ قطبی وزیرستان نا بے اُرا بندغ آتا پدی ہِننگ 31دسمبر آن مست پورو کننگک۔
