قلات، سوراب اٹی گاڈی و موٹرسائیکل اس ڈوک لگار، موٹرسائیکل سوار تپاخت، ڈیور نرا

کوئٹہ۔ 24اکتوبر (اے پی پی) قلات نا علاقہ سوراب اٹی گاڈی و موٹرسائیکل اس ڈوک لگار، موٹرسائیکل سوار تپاخت کرے۔ سرکاری ذرائع نا رداٹ دوشنبے آ قلات نا علاقہ سوراب نا خڑک زہری آن کوئٹہ غا ہنوک آ ٹویوٹا گاڈی و موٹرسائیکل اسے ٹی اناگت ڈوک لگا ہرانا نتیجہ ٹی موٹرسائیکل سوار ماسٹر علی موقع غا ہی تپاخت کرے وخت اس کہ ڈیور موقع آن نرا۔ لیویز فورس ئِ احوال ملنگ تون موقع غا سرمرسا لاش ئِ سول ہسپتال سوراب آ گدریفے ہراڑے المی کارروائی آن گڈ لاش ئِ اوفتا وارث آتا حوالہ کریر، مستی جاست وپاست لیویز فورس کننگ ئِ۔