اسلام آباد۔ 24اپریل (اے پی پی) پاکستان بلائنڈ کرکٹ کونسل (پی بی سی سی) ئِ چیر دستیں لیب ئُُ گوازی نیشنل ٹی 20ٹرافی 27اپریل ئَ چہ 2مئی ئَ یکیں وھد ئَ ملک ئِ دو شہرانی، پشاور ئُُ میر پور آزاد کشمیر ئَ لیب کنگ بنت۔ پاکستان بلائنڈ کرکٹ کونسل ئِ چیئرمین ئُُ ورلڈ بلائنڈ کرکٹ کونسل ئِ صدر سید سلطان شاہ ئِ رد ئَ اے لیب ئُُ گوازی ئِ تہ ئَ 12ٹیمب بھر زوریت ایشانی تہ ئَ ، کوئٹہ، پشاور، اےبٹ آباد ، اسلام آباد، اے جے کے، گوجرانوالہ، لاہور، فےصل آباد، اوکاڑہ، بہاولپور ئُُ کراچی ھوار اَنت۔ وھدیکہ 12 ٹیمب آنی گچین حیدر آباد ، ملتان، سرگودھا ئُُ اٹک ئَ چہ کنگ بنت۔ آئی ئَ گوشت کہ اے لیب ئُُ گوازی ئِ تہ ئَ راجی لیبی بچکک بھر زورنت۔ ٹورنامنٹ ئِ تہ ئَ جوانیں کارکردگی پیشداروکیں لیبی آناں گچین کنگ بیت پہ گوزوکیں سال ئَ بھارت ئَ بوھوکیں بلائنڈ ورلڈ ٹی 20 ٹورنامنٹ ئَ لیب کنگ ئِ ھاترا۔ آئی ئَ گوشت کہ ورلڈ ٹی 20ئِ ھاترا پشاور ئُُ میر پور آزاد کشمیر ئَ ٹی 20کرکٹ کپ لیب دارگ بوھگ ئَ اِنت تاں جوانیں لیبی درچنگ بہ بنت۔ گوشگ بوت کہ اے وھد ئَ پی سی بی 25لیبی آنی نام آں درچنتئُُ ایشی ئَ چہ پد آوانی گیش سر ئُُ سوج ئَ کیمپ جنت۔ آئی ئَ گوشت کہ سری لنکا ئِ ھلاپ ئَ ھوم سیریز ئَ 5کوھنیں لیبی آں چہ ابید توامیں لیبی آنا ٹیسٹ گرگ بوتگ۔ ایش ھما اَنت کہ ایشاں سری لنکا ئِ ھلاپ ئَ یک روچی ئُُ ٹی 20لیب آنی سیریز ئِ تہ ئَ جوانیں لیب پیش داشت ئُُ باج بری کتگ۔
