دوھہ۔ 23 اکتوبر (اے پی پی) صدر مملکت ممنون حسین ئَ توکی ئُُ ڈنی ملکی نودربر آناں زور پر داتگ کہ آ وتارا کمپوٹر ئَ گوں ، انٹرنیٹ ئَ گوں ئُُ سارٹ فون وڑیں نوکیں ٹیکنالوجی ئَ گوں ھمگرنچ بکن اَنت چیا کہ ایشی ئَ چہ جندی ئُُ اُلسی نپ پُجارینگ ئَ جوانیں کمک رسیت۔ قطر ئَ پاکستانی سفارتخانہ ئِ چیر دستی ئَ پاکستان ایجوکیشن سینٹر ئَ نودربراں گون تران کنان ئَ آئی ئَ گوشت کہ انٹرنیٹ ئِ جوڑیشت ئَ اے دُگنیا ئَ را مٹ کتگ ، ایشی ئَ ابید صدر ئِ مملکت ئَ اے نوکیں ٹیکنالوجی آنی ھراب کاری ئُُ ردئیں کارمردی ئَ نہ کنگ کتگ۔ آئی گوشتگ کہ من شور ئُُ سلاھ دیاں کہ اے ٹیکنالوجی ئَ ھیل بکن اِت پہ بنی آدم آنی گہبود ئِ ھاترا۔ صدر ئِ مملکت ممنون حسین امیر قطر شیخ تمیم بن حماد بن خلیہ الثانی ئِ دا تگیں دعوت ئِ پد ئَ قطر ئِ چار روچی سرکاری تر ئُُ تاب ئَ دوھہ ئَ اِنت۔ آئی ئَ گوشت کہ پاکستان ایجوکیشن سینٹر ئَ آئی ئِ آیگ ئِ مول ئُُ مراد نودربراں گوں گند ئُُ نند کنگ اِنت ئُُ اے یات دارگ بہ بیت کہ آ وتی ملک ئُُ دُگنیا ئِ واستہ چے ھیال گند ایت۔ آئی ئَ پاکستانی نودربر آناں دلگوش کُت ئُُ گوشت کہ آ دُگنیا ئِ بابت ئَ جوانیں ھیال بدار اَنت ئُُ مئے رھشونی ئَ بکن اَنت۔
