دوہا۔23اکتوبر (اے پی پی ) صدر مملکت ممنون حسین چار روچی سرکاری تر ئُُ تاب ئِ ھاترا یک شمبے ئِ روچ ئَ قطر ئَ سر بوت۔ حماد انٹرنیشنل ائرپورٹ ئَ سر بوھگ ئَ قطر ئِ ٹرانسوپورٹ ئُُ رسانکی وزیر جاسم سیف احمد الصولیتی ئَ صدر ئِ مملکت ئَ را وش اتک کُت۔ دود ئُُ ربیدگی پوشاک آنی تہ ئَ دو کسانیں زھگ آں صدر ئَ را پل آنی ٹوکری دات۔ قطر ئَ پاکستان ئِ سفیر شہزاد احمد ئُُ سفارتخانہ ئِ ایندگہ کارندہ اے موہ ئَ ساڑی اَتاں۔ اے تر ئُُ تاب ئِ ساھت ئَ صدر ئِ مملکت قطر ئِ امیر ئُُ ایندگہ ٹوھیں مردم آنی گوما گند ئُُ نند کنت۔ دوئیں نیمگ ئِ سیادی ئِ بابت ئَ ھیال ریچی ھم کنگ ئَ ھوار میاں اوتمانی جیڈھ آنی سر ئَ ھال تران ھم کنگ بیت۔ پاکستانی کارندہ آنی رد ئَ اے دیوان آنی تہ ئَ ھاٹیگ، تجارت، سرمایہ کاری، دیمپانیئَ ھوار بازیں تک آنی تہ ئَ دو نیمگی کمک ئَ را گیش ودینگ ئِ ھاترا سول ئُُ تران ھم کنگ بیت۔ صدر ئِ مملکت ئِ انوگیں تر ئُُ تاب ئَ چطہ دوئیں ملک آنی نیام ئَ سیادی گیش ودایت۔
