لاہور۔22 اکتوبر(اے پی پی )بُنجاھی وزیر منصوبگ بندی ئُُ دیمروئی پروفیسر احسن اقبال ئَ گوشتگ کہ مٹ ئُُ بدلی ئِ دھمکی دیگ جمہوریت نہ اِنت۔ 2نومبر ئَ اسلام آباد بند کنگ نہ بیت، پی ٹی آئی بند کنگ بیت، پاکستان ئَ جمہوری نظام اِنت ۔ کس ئِ کرا اِچ ھک نیست کہ آ اسلام آباد ئَ بند بہ کنت۔ اے جمہوری نہ اِنت ایش جنگ ئُُ جُڈ ئِ رپک اِنت۔ آواناں لوٹیت کہ آ پارلیمنٹ ئِ راھ ئَ رھادگ بہ بنت۔ چیا کہ پارلیمنٹ جیڈھ آنی گیواری ئِ جاھ اِنت۔ پانامہ کیس ئِ گوشداری سپریم کورٹ ئَ بوھگ ئَ اِنت۔ جاک ئُُ واک وتی دل ئِ پیسلہ ئَ را در جنگ ئِ ھاترا کنگ بوھگ ئَ اِنت، بلے اے وڑ نہ بیت۔ ھر کس کہ ایمنیں جاک کنگ لوٹیت آ اے راھ ئَ نہ روت۔ اے ھیالانی درشانی ئَ گوستگیں روچ ئَ گورنیمنٹ کالج لاہور ئَ ”مزن وزیر لیپ ٹاپ سکیم فیز ۲“ ئِ برجم داشتگیں دیوان ئَ گشتاک دیان اَت۔ آئی ئَ گوشت کہ پانامہ لیکس ئِ ھوالگ ئَ عمران خان ئِ کرا ھرچی کہ است آ سپریم کورٹ ئَ پیش ئِ بہ کنت۔ وت مستری ئَ پیسلہ کنگ شر نہ اِنت۔ پی ایم ایل این ئِ حکومت ادرارگ آنی شرپ ئَ کنت ئُُ توامیں گل آناں لوٹیت کہ کانود ئُُ ادارگ آنی شرپ ئُُ اِزت ئَ بکن اَنت۔
