اسلام آباد۔ 21اکتوبر (اے پی پی) بین الاقوامی معاملہ غاتا چاہندار ڈاکٹر ظفر اقبال چیمہ پارینے کہ برکس کانفرنس اٹی پاکستان نا ساڑی مفننگ نا باوجود روس و چین نا بھارت ئِ منہ توڑ ورندی تننگ ساڑی آ حکومت نا گچین خارجہ پالیسی تا نتیجہ ئِ۔ ذرائع ابلاغ تون ہیت وگپ کرسا اوپارے کہ بھارتی حکومت نا کوشست ئس کہ برکس کانفرنس اٹی پاکستان ئِ دہشت گرد ملک اس گوندنگ نا اعلامیہ جاری کرفنگے ہراڑآ چین بھارت ئِ منہ توڑ ورندی ترسا پارے کہ او پاکستان تون تفوک ئِ۔ اوپارے کہ نریندر مودی سوچاکہ کہ تدوک آ ہفتہ روس اتون کروک آ ارب آ ڈالر نا دفاعی معاہدہ غاتا سوب روس بھارت نا داکوشست اٹی اوڑتون تفک ولے اودے روس انا کنڈآن ہم بوز اٹ کنوئی تما۔ اوپارے کہ کانفرنس اٹی پاکستان نا ساڑی مفننگ نا باوجود بھلا واک آتا بھارت نا کوشست آتے بے سہب کننگ ساڑی آ پاکستانی حکومت نا گچین خارجہ پالیسی نا نتیجہ ئِ۔ ڈاکٹر ظفراقبال پارے کہ بھارت اٹی اپوزیشن بے حد سوگو ئِ و او حکومت آن پاکستان آ خلوک آ دوبہ غاتا بابت شواہد خواہس تو مودی سرکار بے سہب مس اوکان گڈ بھارت نا الس ہم نریندر مودی نا برخلاف مسنے۔ اوپارے کہ ہراتم مہذب ملک آتیٹی الس حکومت نا برخلاف مرے تو حکومت آک چٹرہ۔ برازیل و ساﺅتھ افریقہ نا بابت چست کروک آ سوج انا ورندی ئِ ترسا اوپارے کہ اگہ نن کانفرنس آن مست داملک آتون رابطہ کرینہ تو اینو حالیت آک پین مسرہ و او ہم نن تون تفیرہ ۔
