پاکستان ئِ سیریز اٹی 1-0نا برتری دوئی
ابوظہنی۔ 19اکتوبر (اے پی پی) پاکستان و ویسٹ انڈیز نا کرکٹ ٹیم تا نیام اٹ ارٹ میکو ٹیسٹ میچ 21اکتوبر آن شیخ زید اسٹیڈیم ، ابوظہنی ٹی بناءکیک۔ پاکستان ئِ ویسٹ انڈیز نا برخلاف ہر مسٹ آمیچ آتا سیریز اٹی 1-0نا برتری دوئی ئِ ۔ پاکستان ویسٹ انڈیز نا ٹیم ئِ اولیکو میچ اٹی 56رنزاٹ شکست تسوسس۔ داکان مست پاکستان نا ٹیم ویسٹ انڈیز نا ٹیم ئِ ٹی ٹونٹی و اورون ڈے سریز اٹی کلین سویپ کرینے۔ پی سی بی ویسٹ انڈیز نا برخلاف ارٹ میکو ٹیسٹ میچ اکن 15باسکی ٹیسٹ سکواڈ نا پڑو ئِ مست آن ہی کرینے ہرانارداٹ یونس ئِ ٹیم اٹی اوار کننگانے۔ پڑو کروک سکواڈ اٹی کیپٹن مصباح الحق ، اظہر علی، سمیع اسلم، یونس خان، اسد شفیق، بابر اعظم، سرفراز احمد، محمد نواز ، یاسرشاہ ، ذولفقار بابر، محمد عامر ، وہاب ریاض، سہیل خان، عمران خان سینئر و راحت علی اوارو۔ یونس خان ئِ ڈینگی ال اٹی مبتلا مننگ نا سوب اولیکو ٹیسٹ اٹی اوار کننگ تویسس۔
