ویسٹ انڈیز نا برخلاف ارٹ میکو ٹیسٹ میچ کن یونس خان نا پاکستان ٹیم اٹی واپسی
ابوظہنی۔ 18اکتوبر (اے پی پی) پاکستان و ویسٹ انڈیز نا کرکٹ ٹیم تا نیام اٹ ارٹ میکو ٹیسٹ میچ 21اکتوبر آن شیخ زید اسٹیڈیم ، ابوظہنی ٹی شروع مریک۔ پاکستان ئِ ویسٹ انڈیز نا برخلاف ہر مسٹ آ میچ آتا سیریز اٹی 1-0نا برتری دوئی ئِ۔ پاکستان ویسٹ انڈیز نا ٹیم ئِ اولیکو میچ اٹی 56رنز اٹ شکست تسوسس۔ داکان مست پاکستان نا ٹیم ویسٹ انڈیز نا ٹیم ئِ ٹی ٹونٹی و اورون ڈے سیریز اٹی کلین سوئپ کرینے۔ پی سی بی ویسٹ انڈیز نا برخلاف ارٹ میکو ٹیسٹ میچ اکن 15باسکی ٹیسٹ سکواڈ نا پڑو ئِ مست آن ہی کرینے ہرانا رداٹ یونس ئِ ٹیم اٹی اوار کننگانے۔ پڑو کروک سکواڈ اٹی کیپٹن مصباح الحق ، اظہر علی ، سمیع اسلم، یونس خان، اسد شفیق، بابر اعظم ، سرفراز احمد، محمد نواز، یاسرشاہ ، ذولفقار بابر، محمد عامر، وہاب ریاض، سہیل خان، عمران خان، سینئر و راحت علی اوارو۔ یونس خان ئِ ڈینگی اِل اٹی مبتلا مننگ نا سوب اولیکو ٹیسٹ اٹی اوار کننگ تویسس۔