دبئی۔ 10 اکتوبر (اے پی پی) پاکستان ئُُ ویسٹ انڈیز ئِ ٹیمب آنی نیام ئَ سئے ٹیسٹ کرکٹ لیب آنی سیریز ئِ اولی میچ 13اکتوبر ئَ دبئی انٹرنیشنل کرکٹ اسٹیڈیم ئَ بندات بوھگی اِنت۔ ایشی ئَ چہ پیسر دوئیں ٹیمب آنی نیام ئَ بوتگیں لیب ئِ سیریز پاکستان ئَ ویسٹ انڈیز ئَ را 2-0 ئَ کٹ اِتگ اَت وھدیکہ سئے لیب آنی ون ڈے سیریز ھم پاکستان ئِ ٹیمب ئَ ویسٹ انڈیز ئَ چہ 3-0 ئِ مٹ ئَ باج بُرتگ اَت۔ دوئیں ٹیمب آنی نیام ئَ ٹیسٹ لیب آنی سیریز ئِ دومی ٹیسٹ 21ئَ چہ 25اکتوبر ئَ ابوظہبی ئَ لیب دارگ بیت، سیمی ئُُ گڈی ٹیسٹ لیب 30اکتوبر ئَ چہ 3نومبر ئَ تاں شارجہ ئَ لیب دارگ بیت۔
