اسلام آباد۔ 22اپریل ( اے پی پی) چین پاکستان اقتصادی راہداری ئِ ردا ملک ئَ 10ہزار 4سد میگاواٹ توان ئِ پیداوار ئِ 14منصوبہ تاں دسمبر 2018ئَ سرجم کنگ بیت۔ راہداری منصوبہ بلوچستان ئُُ ملک ئِ معاشی دیمروی ئِ زینہ انت ملک ئَ امن ئُُ ایمنی ئِ جاورال ئَ بتدریج شری ئِ گوں در ملکی سرمایہ کار پاکستان ئِ رخ کنگ ئَ انت اے منصوبہ ئِ وجہ ئَ بلوچستان ئَ نوکیں صنعت جوڑ بیت آئی ئَ نہ الما روزگار ئِ موہ پیداک بیت بلکں ادے مہلوک ئَ معاشی محکمی ئِ وجہ ئَ وشحالی ئُُ شر معیار زندے ئِ آسراتی بہ رسیت۔ جمعہ ئَ پلاننگ کمیشن ئِ حکام ئَ ( اے پی پی) ئَ گشتگ کہ راہداری منصوبہ ئِ سرجمی ئَ نہ الما پاکستان ئِ اقتصادی جاورال ئَ شر کیت بلکں چینی حکمت عملی ئَ اے منصوبہ ئَ چین ئِ رو برکتی خطہ آنی قسمت ہم بدل بیت۔ آئی ئَ گشتگ کہ اقتصادی راہداری ئَ نہ الما دوئیں ملک بلکں خطہ ئِ دومی ملک آں ہم پائدگ بہ رسیت۔ اقتصادی راہداری دوئیں ملک آنی نیام ئَ ھاسیں شعبہ ئَ کمی ئِ سرا گام گیج ئُُ منصوبہ ئِ سرجمیں پیکج انت آئی ئَ اطلاعات نیٹ ورک، بنیاتی ڈھانچہ، توانائی، صنعت ، کشت ئُُ کار، سیل ئُُ سواد ئُُ لہتیں دومی شعبہ ھوار انت۔ آئی ئَ گشتگ کہ پاک چین اقتصادی راہداری ئِ ردا ھاسیں منصوبہ آں گوادر پورٹ ئِ اپ گریڈیشن، گوادر پورٹ ایکسپریس وے، گوادر انٹر نیشنل ایئر پورٹ ئُُ کراچی سکھر موٹر وے ھوار انت۔ آئی ئَ گشتگ کہ چین پاکستان اقتصادی راہداری منصوبہ وسطیٰ ، رو برکتی ئُُ جنوبی ایشیا مشرق وسطیٰ ئُُ افریقی ملک آنی سے ارب آباتی ئَ یک مربوط پلیٹ فام دئیگ ۔ آئی ئَ گشتگ کہ اقتصادی ترندی ئَ خطہ ئَ چاگری ئُُ اقتصادی دیمروی کیت۔
