مزن وزیر محمد شہباز شریف ءَ ملکی برآمدات ءِ تہ ءَ گیشی ءُ اقتصادی دیمروئی ءَ را ترند کنگ ءِ ھوالگ ءَ چار ءُ تپاسی دیوان ءِ سروکی

اسلام آباد۔15ستمبر  (اے پی پی): مزن وزیر محمد شہباز شریف ءَ برآمداتی صنعت آنی واستہ نوکیں ٹیکنالوجی، پٹ ءُ پول ءُ نوآبادیاتی ءِ دیمروئی ءِ پنت ءُ شون کتگ ءُ گوشت کہ پاکستانی پیداوار آناں جھان ءِ چاگرد ءِ گوما ھمگرنچ جوڑ کنگ، کوالٹی اشورینس سسٹم ءَ را موثر جوڑ کنگ ءُ میاں اوستمانی کد ءُ بالاد  ءُ ضلورت آنی سر ءَ سرجمی ءَ عمل کنگ ءِ واستہ جوانیں گامگیج چست کنگ بہ بنت۔ برآمدات ءِ تہ ءَ گیشی ءِ سر ءَ ھاسیں دلگوشی دیگ بہ بیت تانکہ جھان ءِ مارکیٹ ءَ پاکستانی پیداوار آنی ارزشت ءُ مقابلہ ءِ توانائی دوئیں گیش بہ بنت۔ سئے شمبے ءِ روچ ءَ مزن وزیر کارگس ءِ مڈ ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ ملک ءِ برآمدات ءِ تہ ءَ گیشی ءُ اقتصادی نمو ءَ را ترند کنگ ءِ واستہ چار ءُ تپاسی دیوان برجم دارگ بوت۔ گند ءُ نند ءِ تہ ءَ نائب مزن وزیر ءُ درئی کارانی وزیر محمد اسحاق ڈار، وفاقی وزیر رانا تنویر حسین، جام کمال خان، ڈاکٹر مصدق  ملک، احد خان چمہ، محمد اورنگزیب، نائب مزن وزیر ءِ کارگس ءِ تہ ءَ نائب مزن وزیر ھارون اختر ءِ سیادی داروکیں وزیر مملکت ہاورن  اختر ءَ بھر زوری کتگ۔ دیوان ءَ برآمدات ءَ را دیمروئی دیگ ءِ واستہ منظور بوتگیں اسٹریٹجک روڈ میپ ءِ سر ءَ عمل درآمد ءِ تہ ءَ پیشرفت ءِ بابت ءَ سرپدی دیگ بوت ءُ نوکیں جھان ءِ مارکیٹ آناں رسائی، برآمداتی شوبگ آنی جھان ءِ مقابلہ ءِ تہ ءَ گہتری، برآمداتی شوبگ آنی تنوع، پیداوار ءِ ھمگرنچی ءَ را گہتر کنگ ءُ کاروباری آسراتی ءِ ھوالگ ءَ جتا جتائیں سوج آنی سر ءَ چار ءُ تپاسی کنگ بیت۔ مزن وزیر ءَ گوشت کہ برآمدات ئِ تہ ءَ گیشی ءَ را ملک ئِ اقتصادی دیمروئی ئِ بنیات جوڑ کنگ بہ بیت ئُُ روایتی شوبگ ئِ ھواری ءَ گیشاں چہ گیش شوبگ ءَ را جہانی مارکیٹ آنی تہ ءَ آرگ بہ بیت۔ برآمدات ءِ حوصلہ افزائی کنگ بہ بیت، تجارت ءِ تنوع ءِ ھاتر ءَ برآمداتی کاروائی آنی تہ ءَ گیشیں شعبہ ءُ صنعت آناں ھوار کنگ بہ بیت، پاکستانی پیداوار آناں میاں اوستمانی معیار ءِ رد ءَ آرگ ءِ ھاتر ءَ موثر گامگیج چست کنگ بہ بنت، کوالٹی اشورینس سسٹم ءَ را موثر جوڑ کنگ بہ بیت، ءُ میاں اوستمانی منوگری ءُ ضلورت آنی سرجمیں رنگ ءَ عمل کنگ ءَ را دل یکیمی کنگ بہ بیت۔ مزن وزیر ءَ گوشت کہ برآمدات ءِ تہ ءَ ویور ایڈیشن ءِ سر ءَ ھاسیں دلگوشی دیگ بہ بیت تانکہ گلوبل مارکیٹ ءَ پاکستانی مصنوعات ءِ ارزشت ءُ مقابلہ دوئیں گیش بہ بنت۔ مزن وزیر ءَ پنت ءُ شون کت کہ برآمداتی صنعت آنی واستہ نوکیں ٹیکنالوجی، نوآبادیاتی ءُ پٹ ءُ پول ءَ را دیمروئی دیگ بہ بیت، راجی معیشت ءَ را نوکیں لوٹ آنی گوما یکجا کنگ ءِ واستہ ڈیجیٹلائزیشن ءُ نوکیں ٹیکنالوجی ءَ را سرجمی ءَ کارمرد کنگ بہ بیت، برآمد کنوک آنی دیم ءَ اوشتاتگیں انتظامی ءُ کاروباری رکاوٹ آناں دور کنگ بہ بیت ءُ برآمد کنوکیں عمل ءَ را گیش سادہ، تیز ءُ شفاف کنگ بہ بیت۔ آئی ءَ دیوان ءَ را سرپد کت کہ بازیں دوستیں ملک آنی گوما آزاد تجارتی منوگری ءُ ترجیحی تجارتی منوگری آنی سر ءَ دستخط کنگ ءِ واستہ گامگیج کنگ بوھگ ءَ انت تانکہ پاکستانی پیداوار آنی جھان ءِ مارکیٹ ءَ سر بوھگ ءَ را گیش کنگ ءِ واستہ گامگیج کنگ بوھگ ءَ انت، پاکستانی باغبانی ءِ پیداوار آناں برآمدات ءِ تہ ءَ ھوار کنگ ءِ واستہ گامگیج کنگ بوھگ ءَ انت، ٹینڈر ءُ میاں اوستمانی ہسپتال آنی گرگ ءِ واستہ پاکستان ءِ برآمدات ءَ را گیش کنگ بہ بیت۔ پاکستانی ایکسپورٹر آنی بھر زوری ءَ را دلبڈی دیگ بوھگ ءَ انت۔ ملک ءِ جتا جتائیں شہر آنی تہ ءَ لیٹکسپو، ہیلتھ انجینئرنگ اینڈ منرل شو، فوڈ اینڈ ایگریکلچر ءُ ایندگر شوبگ آنی ھوالگ ءَ نمائش آنی برجائی کنگ بوھگ ءَ اِنت تانکہ گلوبل کمپنی آناں پاکستانی پیداوار آنی گوما آشنا کنگ بوھگ ءَ اِنت۔ برآمدات ءِ تہ ءَ نوآبادیاتی ءِ دیمروئی ءِ واستہ دانشورانہ ملکیت ءِ کانود آناں نوکیں لوٹ آنی گوما یکجا کنگ ءِ واستہ کار کنگ بوھگ ءَ اِنت۔ برآمدات ءِ دیمروئی فنڈ ءِ نوکیں رنگ ءَ جوڑ کنگ سرجم بوتگ ءُ ای ڈی ایف کاروباری براتی ءَ را آسراتی ءِ واستہ گامگیج کنگ ءَ انت۔