مزن وزیر شہباز شریف ءَ چیئرمین این ڈی ایم اے ءِ گوما گند ءُ نند ءَ پنت ءُ شون کتگ کہ ھور ءَ چہ آماچیں دمگ آناں ریلیف پجارینگ ءِ واستہ ھمک ممکنیں وسیلگ کارمرد کنگ بہ بنت

اسلام آباد۔15ستمبر  (اے پی پی): مزن وزیر محمد شہباز شریف ءَ ھور ءِ وھد ءَ سڑک ءُ پُل آنی سر ءَ ٹریفک ءِ روانی ءَ را آسان کنگ ءُ کمکی سامان آنی روان دیگ ءِ ھوالگ ءَ سیادی داروکیں محکمہ آں گوں ھمگرنچی ءَ را گیش کنگ ءِ پنت ءُ شون کتگ۔ سئے شمبے ءِ روچ ءَ مزن وزیر کارگس ءِ مڈ ونگ ءِ نیمگ ءَ جاڑی بوتگیں بیان ءِ رد ءَ نیشنل ڈیزاسٹر مینجمنٹ اتھارٹی ءِ چیئرمین لیفٹیننٹ جنرل انعم ھدر ملک ءَ مزن وزیر محمد شہباز شریف ءَ گوں گند ءُ نند کت۔ لیفٹیننٹ جنرل انعام ہدر ملک ءَ مزن وزیر ءَ را برجاھیں مون سون ءِ موسم ءَ ھور ءُ بوت کنوکیں زمین چنڈ ءِ ھور ءَ گوں گر ءُ چیل بوھگ ءِ واستہ کتگیں بندوبست آنی بابت ءَ سرپد کت۔ مزن وزیر ءَ پنت ءُ شون کت کہ ہور ءَ چہ آماچیں دمگ ءَ الس آناں ہر ممکن ریلیف ءُ ریلیف پجاری ءِ واستہ دستیابیں توامیں وسیلگ آناں کارمرد کنگ بہ بیت۔ مزن وزیر ءَ ہور ءِ وھد ءَ جوڑ کنوکیں سڑک ءُ پُل آنی سر ءَ ٹریفک ءِ روانی ءَ را گہتر کنگ ءِ پنت ءُ شون کت ءُ کمکی سامان آناں سر کنگ ءِ ھوالگ ءَ سیادی داروکیں محکمہ آنی گوما ھمگرنچی ءَ را گیش کنگ ءِ پنت ءُ شون کت۔ مزن وزیر ءَ این ڈی ایم اے ءَ را ھم پنت ءُ شون کت کہ آ سیادی داروکیں صوبائی ادارگ ءُ پی ڈی ایم اے آنی گوما جوانیں رابطہ کاری ءَ را برجم بہ دار ایت۔ چیئرمین این ڈی ایم اے ءَ گوشت کہ مزن وزیر ءِ پنت ءُ شون کتگیں احتیاطی بندوبست آنی سبب ءَ سیادی داروکیں ادارگ جوانیں رنگ ءَ اے مون سون ءِ موسم ءَ جوانیں گامگیج آنی گوما نگرانی کن اَنت۔ چیئرمین نیشنل ڈیزاسٹر مینجمنٹ اتھارٹی ءَ مزن وزیر ءَ را برجاھیں مون سون ءِ موسم ءِ گمان بوتگیں دلگوشی ءُ صوبگ ءُ ادارگ آنی کمک ءَ گوں کنگ بوھوکیں سرجمیں بندوبست آنی جاور ھال آنی بابت ءَ سرپد کت۔ مزن وزیر ءَ را سرپدی دیگ بوت کہ ملک ءِ دراجی ءُ دراجی ءَ موسمی ہچ ​​وڑیں ایمرجنسی  جاورحال ءِ وھد ءَ درستیں سیادی داروکیں ادارگ ریسکیو ءُ ریلیف ءِ واستہ تیار انت۔