وفاقی داخلہ ءِ وزیر ءَ لبنان ءِ ہم منصب ءَ گوں گند ءُ نند کتگ، سیکورٹی ءُ انسداد ناشرکاری ءَ ھوار جتا جتائیں پڑ آنی تہ ءَ کمک ءَ را گیش کنگ ءِ سر ءَ تپاک

اسلام آباد۔15ستمبر  (اے پی پی): وفاقی تہی کارانی وزیر محسن نقوی ءَ لبنان ءِ تہی کارانی وزیر احمد الحجار  ءَ گوں گند ءُ نند کتگ، ایشی ءِ تہ ءَ دو نیمگی سیکورٹی کمک، ناشرکاری ءِ ھلاپ ءَ ءُ وت مہ وتی سیادی آناں مھکم کنگ ءِ ھوالگ ءَ سرجمیں گپ ءُ تران کنگ بوتگ۔ لبنان ءِ داخلہ ءِ وزیر ءِ وزارت داخلہ ءَ آیگ ءَ پد محسن نقوی ءَ آئی ءَ را گرمیں وش اتک کت ایشی ءَ پد دوئیں وزیراں اولی رند ءَ یک پہ یک ءُ پدا ڈل ءِ تک ءَ گپ ءُ تران کت۔ گپ ءُ تران ءِ آسر ءَ ناشرکاری، منشیات ءِ سوداگری، ناجائزیں امیگریشن، منی لانڈرنگ ءُ سائبر کرائم ءِ جوانیں گر ءُ دار ءِ واستہ وت مہ وتی کمک ءَ را گیش کنگ ءِ واستہ تپاک کنگ بوتگ۔ دوئیں ملکاں ناشرکاری ءُ منشیات ءِ سوداگری ءِ ھلاپ ءَ انٹیلی جنس شیئرنگ ءَ را مھکم کنگ ءِ وتی عزم ءِ پدا پدر کت، وھدیکہ پولیس اکیڈمی ءُ تربیتی پروگرام آنی تہ ءَ یکوئی کمک، دمگی جاور ھال ءُ دمگ ءَ امن ءِ دیمروئی ءِ واستہ پاکستان ءِ کوشست آنی سر ءَ گپ ءُ تران کت۔ پریک آں  دوئیں وزارت آنی نیام ءَ زوت یک مفاہمت نامہ ءِ سر ءَ دستخط کنگ ءِ پیسلہ کتگ تانکہ یکوئی کمک ءَ را گیش کنگ ءُ دو نیمگی کمک ءَ را گیش کنگ ءِ واستہ   فوکل پرسن ءِ گچین کنگ بہ بیت۔ ایشی ءَ ابید انسداد ناشرکاری ءِ پڑ ءَ استیں مفاہمت نامہ ءِ سر ءَ سرجمی ءَ عمل کنگ بوتگ وھدیکہ دوئیں ملک آنی نیام ءَ سفارتی ءُ سرکاری پاسپورٹ آنی تہ ءَ ویزا فری انٹری ءِ تجویز ءِ سر ءَ ھم ھیال ءُ لیکہ کنگ بوتگ۔ وفاقی وزیر داخلہ محسن نقوی ءَ لبنان ءِ ھمکار ءِ تر ءُ تاب ءَ را وش اتک کت ءُ امیت سہرا کت کہ اے تر ءُ تاب ءَ چہ دوئیں براتیں ملک آنی نیام ءَ دو نیمگی کمک ءِ واستہ نوکیں دروازگ پچ بنت۔ دومی نیمگ ءَ لبنان ءِ تہی کارانی وزیر احمد الحجار   ءَ وشیں مہمان داری ءِ سر ءَ پاکستان ءِ منت گپت ءُ گوشت کہ لبنان پاکستان ءَ را یک براتیں ملکے لیک ایت ءُ وت مہ وتی نپ آنی شوبگ ءَ ھاسیں رنگ ءَ تہی ایمنی ءِ شوبگ ءَ یکے دومی ءِ تجروبت آناں سرجمی ءَ پائدگ چست کنگ ءِ واھشت مند اِنت۔ گپ ءُ تران ءِ تہ ءَ وزیر ءِ مملکت طلال چوہدری، وفاقی سیکرٹری داخلہ، چیئرمین نادرا، ڈی جی ایف آئی اے، ڈی جی اے این ایف، آئی جی وفاقی کانسٹیبلری، نیشنل کوآرڈینیٹر نیکٹا، ڈی جی پاسپورٹ ءُ امیگریشن، چیف کمشنر اسلام آباد، آئی جی اسلام آباد پولیس ءِ دگہ سیکرٹری داخلہ ءُ ڈی جی نیشنل فرانزک سیکرٹری  تہی کار  ءُ ایندگر سرکاری  کارندہ آں بھر زوری کت۔