جنرل اسمبلی ءِ 81می دیوان ءِ وھد ءَ پاکستان ءِ سرگرمیں بھر زوری ءَ را رابطہ ءُ گپ ءُ تران ءِ وسیلگ ءَ پدر کنگ بہ بیت، نائب مزن وزیر اسحاق ڈار

اسلام آباد۔15ستمبر  (اے پی پی): نائب مزن وزیر ءُ درئی کارانی وزیر محمد اسحاق  ڈار ءَ پنت ءُ شون کتگ کہ اقوام متحدہ ءِ جنرل اسمبلی ءِ 81می دیوان ءِ وھد ءَ پاکستان ءِ فعالیں بہر زورگ ءَ را رابطہ ءُ گپ ءُ تران ءِ وسیلگ ءَ پدر کنگ بہ بیت۔ سئے شمبے ءِ روچ ءَ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ درئی کارانی وزیر سینیٹر  محمد اسحاق ڈار ءَ اقوام متحدہ ءِ جنرل اسمبلی ءِ 81می دیوان ءِ پروگرام ءِ سر ءَ چار ءُ تپاسی ءِ دیوان ءِ سروکی ءَ کتگ ات، ایشی ءِ تہ ءَ دری کارانی وزیر ءُ اقوام متحدہ ءِ ھاسیں وزیر ءِ دری کارانی وزیر ءَ را گشتگ ات۔ وزیر ءَ مجوزہ پروگرام ءِ بابت ءَ گشتگ کہ ایشی ءِ تہا اقوام متحدہ ءِ جنرل اسمبلی ءِ موہ ءَ مزن تک ءِ دزگٹی، دو نیمگی گند ءُ نند ءُ ایندگر ھاسیں دزگٹی ھوار انت۔ سر اسحاق ڈار ءَ پیش کرتگیں پروگرام ءِ سرا چار ءُ تپاسی کت ءُ ایشی ءِ اولویت ءُ بندوبستانی سرا رہشونی دات ءُ پنت ءُ شون کت کہ اقوام متحدہ ءِ مزنیں کچ ءُ کساس ءِ دیوان ءِ وھد ءَ پاکستان ءِ جوانیں  بہر زورگ، ہمگرنچی ءُ تیاری ءَ را دل یکیمی کنگ بہ بیت۔