پاک چین سٹریٹجک پت ءِ برقرار تخنگ و اودے سوگو جوڑ کننگ کن بڑزکو کہولی تبادلہ ، السی رابطہ و اقتصادیکمکاری ءِ ودفنگ المی ءِ، آصف علی زرداری

اسلام آباد۔ 15 ستمبر (اے پی پی)صدر مملکت آصف علی زرداری پارینے کہ پاکستان و چین نا نیام اٹ سٹریٹجکتین پہ تینی پت ءِ برقرار تخنگ و پینسوگو جوڑ کننگ کن بڑزکو کہولی تبادلہ غاتا چرجوئی ، السی کہول آ رابطہ غاتا مون آ دننگ و اقتصادیکمکاری ءِ پین ودفنگ المی ءِ۔ سے شنبے نادے آ ایوانِ صدر نا پریس ونگ آن جاری بیان نا رداٹ او دا خیال آتا درشانی ءِ چیناکن پاکستان نا پندار سفیر ڈاکٹر سید علی اسد گیلانی تون گپ وتران کرسا کرے ہرا ایوانِ صدر اٹ اوڑتون اوڑدہیکرے۔ دا وخت آ سینیٹر سلیم مانڈوی والا ہم ساڑی ئس۔ صدر مملکت پارے کہ چیناتون تعلقداری پاکستان نا خارجہ پالیسی نا غٹ آن اہم پلوءِ۔ او ہڑتوم آ ملک آتا نیام اٹ سوگو سیاسیخیرخواہی ءِ پین اقتصادی و صنعتی کمک اٹ بدل کننگ آزور شاغا۔ صدر مملکت سی پیک 2.0 نا رداٹ بزنس ٹو بزنس کمکاری آ چکار نا خیرمقدم و خاص کر ورناتے کن کسبکاری نا مون آ دننگ و روزگار نا وارخواہی ودی کننگ نا بابت پوسکن کشت وکشار ، مصنوعیذہانت و پوسکن آ ٹیکنالوجی تا بشخ آتیٹی کمک نا اہمیت آ زور شاغا۔ او پندار سفیر ءِ چینی حکومتی ادارہ ، کمیونسٹ پارٹی آف چائنا نا سروک ، تھنک ٹینکس، تعلیمی ادارہ و میڈیا تون فعال رابطہ غاتے برقرار تخنگ و السی کہول آ تعلقداری تے مون آ دننگ نا پارت کرے ہرافتے ٹیطالب علم آتا نا ہن و برہم اوار ءِ۔ او نا پاننگ ئس کہ او بروک آ سال ایس سی او سروکی دیوان کن صدر شی جن پنگ نا دورہ پاکستان نا چاری ءِ۔