وفاقی وزیر تجارت جام کمال خان ءَ کے آئی ڈی سی ءِ ہائی کمشنر طارق علی خان ءَ گوں گند ءُ نند کتگ، دو نیمگی تجارت ءُ سرمایہ کاری ءِ تہ ءَ کمک ءَ را گیش کنگ ءِ سر ءَ تپاک

اسلام آباد۔15ستمبر  (اے پی پی): وفاقی وزیر برائے تجارت جام کمال خان ءَ گوں کے آئی ڈی سی ءِ ہائی کمشنر طارق علی خان ءَ گند ءُ نند کت۔ وزارت تجارت ءِ جارکش ءِ رد ءَ سئے شمبے ءِ روچ ءَ برجم داشتگیں گند ءُ نند ءَ پاکستان ءُ کے آئی ڈی سی ءِ نیام ءَ دو نیمگی تجارت ءُ سرمایہ کاری ءِ تہ ءَ کمک ءَ را گیش کنگ ءِ سر ءَ تپاک کنگ بوتگ۔ دیوان ءَ سرمایہ کاری ءِ دیمروئی ءُ رکھینگ ءِ منوگری ءِ ھوالگ ءَ گپ ءُ تران ءَ را پدا بندات کنگ ءِ ھم پیسلہ کنگ بیت۔ اکتوبر ءِ اولی ہفتگ ءَ فیپا ءِ مذاکرات ءِ آیوکیں راؤنڈ ءِ برجم دارگ ءِ بابت ءَ گپ ءُ تران کنگ بوتگ۔ وفاقی وزیر برائے تجارت ءَ گوشت کہ پاکستان کے آئی ڈی سی ءِ گوما سرمایہ کاری ءِ منوگری ءَ را زوت ھلاس کنگ ءِ واھشت مند اِنت، ءُ سرمایہ کار آنی جائز جیڈھ آناں دور کنگ ءَ چہ سازگاریں کاروباری ماحول جوڑ کنت۔ ہائی کمشنر ءَ گوشت کہ فیپاک ءِ منوگری پاکستان ءَ درملکی سرمایہ کار آنی دلبڈی ءَ را گیش کنگ ءَ ھاسیں کرد پیلو کنت۔ اے منوگری ءِ تہا قانونی حفاظت، داوری ءُ تنازعات ءِ حل ءِ موثر نظام ءِ دیم ءَ آرگ بیت۔ آئی ءَ گوشت کہ فیپا پاکستان ءَ درملکی کمپنی ءُ مشترکہ منصوبگ آنی دیمروئی ءِ واستہ یک ڈھانچہ ءِ گامگیج ءِ بیت۔ پاکستان ءِ مزنیں صارفین ءِ مارکیٹ ءَ درملکی سرمایہ کار آنی واستہ مزنیں موہ است انت۔ ہائی کمشنر ءَ گوشت کہ ملک ءَ نندوکیں 3 لکھ ءُ نیم ءَ چہ گیش پاکستانی دوئیں ملک آنی نیام ءَ سرمایہ کاری ءِ واستہ پُل جوڑ بوت کن اَنت۔ آئی ءَ گوشت کہ پاکستان ءَ آیوکیں منرل انویسٹمنٹ فورم ءَ درملکی کمپنی آنی ڈل ءَ بھر زوری کنگ بیت، ءُ ڈیری، ایگرو فوڈ، ایڈیبل آئل، فروٹ جوس ءُ فوڈ پروسیسنگ ءِ تہ ءَ کمک ءَ را گیش کنگ بیت۔ جام کمال ءَ گوشت کہ کشت ءُ کشاری سامان آنی مٹ ءُ بدلی ءُ یکجائی کار آنی وسیلگ ءَ ایندگہ ملک آناں برآمدات ءِ تہ ءَ گیشی بوت کنت۔ گند ءُ نند ءَ ایئر لیزنگ، ایرو اسپیس ءُ ائیر کنیکٹوٹی ءِ دیمروئی ءِ بابت ءَ ھم ھیال ریچی کنگ بوت۔