نائب مزن وزیر اسحاق ڈار ءُ اقوام متحدہ ءِ نامینتگیں سیکرٹری جنرل رافیل گروسی  ءَ دمگ ءِ بدل بوؤکیں جاور ھال آنی بابت ءَ ھیال ءُ لیکہ ءِ درشان

اسلام آباد۔15ستمبر  (اے پی پی): نائب مزن وزیر ءُ درئی کارانی وزیر محمد اسحاق ڈار ءُ آئی اے ای اے ءِ ڈائریکٹر جنرل ءُ اقوام متحدہ ءِ نامینتگیں سیکرٹری جنرل رافیل گروسی ءَ دمگ ءِ بدل بوھوکیں جاور ھال آنی سر ءَ ھیال ءُ لیکہ ءِ درشان کت۔ سئے شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ دوئیں سروک آنی نیمگ ءَ ٹیلی فون ءِ سر ءَ گپ ءُ تران ءِ ساھت ءَ اے گپ ءِ سر ءَ تپاک کنگ بوتگ کہ اسلام آباد مفاہمت نامہ ءِ سر ءَ عمل کنگ کشیدگی ءَ را کم کنگ ءِ جوانیں راہ اِنت۔ رافیل گروسی ءَ اگاں لوٹ بوت گڑا اے درگت ءَ تکنیکی کمک ءِ پیشکش کتگ۔ نائب مزن وزیر ءُ دری کارانی وزیر ءَ اقوام متحدہ ءِ منشور ءِ مول ءُ مراد ءُ اصول آناں دیم ءَ برگ ءُ میاں اوستمانی کانود ءُ منوگری آنی احترام کنگ ءِ واستہ پاکستان ءِ مھکمیں جزم ءِ سر ءَ زور پر دات ءُ جھان ءِ امن ءُ دیمروئی ءِ ایجنڈا ءِ ھاترا اقوام متحدہ ءِ نظام ءِ ارزشت ءِ سر ءَ ھم زور پر دات۔ آئی ءَ اقوام متحدہ ءِ سیکرٹری جنرل ءِ عہدہ ءِ ھاتر ءَ وتی مہم ءِ تہا رافیل گروسی ءِ ھاتر ءَ وتی نیکیں واھگ ءِ درشانی کتگ۔