سیریز اٹی آزمائشی وڑاٹ تھرڈ ایمپائر فرنٹ فٹ نوبالز ایتک
ساﺅتھمپٹن۔ 23 اگست (اے پی پی) پاکستان و انگلینڈ نا کرکٹ ٹیم تا نیام اٹ پنچ اسہ دے ئی بین الاقوامی میچ آتیا تالان سیریز نا اولیکو میچ (اینو) چارشنبے آ ساﺅتھمپٹن اٹی گوازی کننگک، میچ ڈے اینڈ نائٹ مریک و پاکستان نا معیاری وخت انا رداٹ شام انا شش بجہ غا شروع مریک۔ سیریز اٹی آزمائشی وڑاٹ تھرڈ ایمپائر فرنٹ فٹ نوبالز ایتک۔ داکان مست ہڑتوم آ ٹیم تا نیام اٹ گوازی کروک آ چارٹیسٹ میچ آتا سیریز 2-2آن بریبر مسوسس۔ ٹیسٹ سیریز اٹی شون و شان کارکڑد آن گڈ پاکستانی ٹیم آئر لینڈ نا برخلاف ون ڈے سیریز 1-0 آن کٹاسس و گرین شرٹس داسا انگلش ٹیم اناچلینج تون مننگ تننگ کن تیار ئِ۔ پاک انگلینڈ ٹیم تا نیام اٹ ون ڈے سیریز نا اولیکو میچ اینو ساﺅتھمپٹن اٹی گوازی کننگک، اوکان گڈ ہڑتوم آ ٹیم تا نیام اٹ سیریز نا ارٹ میکو میچ 27 اگست لارڈز، لندن اٹی گوازی کننگک، مسٹ میکومیچ 30 اگست آ نوٹنگھم اٹی گوازی کننگک، چارمیکو میچ یکم ستمبر آ لیڈز اٹی گوازی کننگک وخت اس کہ پنچ میکو و آخریکو میچ 4ستمبر آ کارڈف نا ہند آ گوازی کننگک ، اوکان گڈ ہڑتوم آ ٹیم تا نیام اٹ اسٹ انگا ٹی ٹونٹی میچ 7 ستمبر آمانچسٹر اٹی گوازی کننگک ۔