ڈبلن۔ 16اگست (اے پی پی) پاکستانی کرکٹ ٹیم انگلینڈ آن ون ڈے سیریز آن مست آئر لینڈ نا برخلاف اِراون ڈے میچ گوازی کیک۔ قومی ٹیم آئر لینڈ نا برخلاف اولیکو ون ڈے (پگہ ) پنچ شنبے آ گوازی کننگک وخت اس کہ ارٹ میکو ون ڈے 20 اگست آ گوازی کننگک۔ ہڑتوم آ میچ آک ڈبلن اٹی گوازی کننگرہ۔ پاکستان و انگلینڈ نا نیام اٹ پنچ ون ڈے میچ آتا سیریز نا اولیکو میچ 24اگست آ ساﺅتھمپٹن ، ارٹ میکو 27 اگست آ لندن ، مسٹ میکو 30 اگست آ نوٹنگھم ، چارمیکو یکم ستمبر آ لیڈز وخت اس کہ پنچ میکو و آخریکو ون ڈے 4ستمبر آ کارڈف اٹی گوازی کننگک۔ دورہ ٹی اوار اسٹ انگا ٹی 20 انٹرنیشنل 7 ستمبر آ اولڈ ٹریفورڈ ، مانچسٹر اٹی گوازی کننگک۔
