وفاقی داخلہ ءِ وزیر ءَ واشک ءَ 5 درئی ناشرکار آنی   کوش ءِ ھاتر ءَ بہادریں ارد آناں  توسیپ ءُ ستا پیش

اسلام آباد۔14اکتوبر  (اے پی پی): وفاقی داخلہ ءِ وزیر محسن نقوی ءَ آپریشن ”راد الفتنہ 3“ ءِ چیر دستی ءَ بلوچستان ءِ ضلع واشیک ءَ خوارجی آنی ھلاپ ءَ انٹیلی جنس ءِ بنیات ءَ سوبمندیں آپریشن ءِ ھاتر ءَ سیکورٹی فورسز ءَ را شگر ءُ منت گپت۔ آئی ءَ 5خواریجی ءِ کوش ءِ ھاتر ءَ فورسز ءِ بے مٹیں جزم ءُ مزنیں پیشہ وارانہ لیکہ ءِ ستا کرتگ۔ وزارت داخلہ ءِ نیمگ ءَ چہ جاڑی بوتگیں بیان ءِ رد ءَ وفاقی وزیر داخلہ محسن نقوی ءَ گوشت کہ سرجمیں راج ءَ را سیکورٹی فورسز ءِ بہادریں زھگ آنی سر ءَ فخر اِنت کہ آھاں فتن ال ہندوستان ءِ ناشرکار آنی گندی ءُ نا شریں نیت آناں ھلاس کتگ۔ آئی ءَ گوشت کہ آپریشن راد الفتنہ تھری ءَ بھر زوروکیں ملک ءِ بہادریں سپاھیگ آنی وھد ءُ پاس ءِ جوانیں کارروائی ملک ءِ بقا ءُ راجی ایمنی ءِ رکھینگ ءِ واستہ بے دروریں جزم ءِ پدریں آدینک انت۔ وفاقی وزیر داخلہ ءَ گیش گوشت کہ ناشرکاری ءِ سرجمیں ھلاسی ءَ تاں جنگ برجاہ بیت ءُ سرجمیں راج ماتیں وطن ءِ رکھینگ ءِ واستہ سیکورٹی فورسز ءِ ھمراھی ءَ سنگ ءِ رنگ ءَ اوشتات کنت۔