مزن وزیر ءَ پمز ہسپتال ءِ واکیہ ءِ انکوائری رپورٹ ءِ رژنائی ءَ سئے ماہ ءِ تہا پیش کرتگیں گامگیج آناں سرجم کنگ ءِ پنت ءُ شون

اسلام آباد۔16ستمبر  (اے پی پی): مزن وزیر محمد شہباز شریف ءَ پمز ہسپتال ءَ آس روکی  ءِ ھواریں نظام ءَ را گہتر کنگ ءِ پنت ءُ شون کتگ، آئی ءَ را میاں اوستمانی لوٹ آنی رد ءَ آرگ ءُ آیوکیں سئے ماہ آنی تہ ءَ انکوائری رپورٹ ءِ رژنائی ءَ پیش کرتگیں گامگیج آناں سرجم کنگ ءِ پنت ءُ شون کتگ ءُ گوشت کہ پیمز بیمارستان ءِ سرا ات۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ پمس ہسپتال ءِ گہتری ءِ واستہ ایکشن پلان ءِ ھوالگ ءَ مزن وزیر محمد شہباز شریف ءِ سروکی ءَ دیوان برجم دارگ بوت۔ دیوان ءَ پمس ءِ پٹ ءُ پولی رپورٹ ءُ وزارت ءِ راجی جان سلامتی ءِ نیمگ ءَ پمس ءِ کارکردگی آڈٹ ءِ سر ءَ چار ءُ تپاسی کنگ بوت۔ مزن وزیر ءَ پنت ءُ شون کت کہ آیوکیں سئے ماہ ءِ تہا انکوائری رپورٹ ءِ تہا پیش کرتگیں کسانیں مدتی گامگیج آنی سر ءَ عمل درآمد ءَ را دل یکیمی کنگ بہ بیت، پمس ہسپتال ءَ را گہتر کنگ ءُ آئی ءَ را میاں اوستمانی لوٹ آنی رد ءَ آرگ ءِ واستہ توامیں گامگیج چست کنگ بہ بنت، فائر سیف ءِ ھوالگ ءَ نظام ءِ واستہ پی کے ایل آئی ءَ چہ کمک ءُ پنت ءُ شون زورگ بہ بنت۔ مزن وزیر ءَ گوشت کہ ڈبلیو ایچ او ءِ رپورٹ ءِ تہ ءَ داتگیں سوج آنی سر ءَ ھیال ءُ لیکہ کنگ بہ بیت ءُ ایشی ءِ سر ءَ عمل کنگ ءَ را ھم دل یکیمی کنگ بہ بیت، نادراھجاہ ءَ درمان ءُ آسراتی آنی سرجمیں رنگ ءَ پجارینگ ءِ گامگیج آناں ھم ایکشن پلان ءِ بھر جوڑ کنگ بہ بیت، پمز ہسپتال ءِ گہتری ءِ واستہ جوانیں نام ءِ واھندیں مردمی قوت ءِ کارمرد کنگ بہ بیت پیمس ہسپتال ءِ گہتری ءِ ھاتر ءَ پولی کلینک ہسپتال ءِ آڈٹ ءَ چہ بے رھبندی ھلاس کنگ بہ بنت ءُ ایشی ءِ نوکیں رنگ ءَ جوڑ کنگ ءِ ھاتر ءَ منصوبگ جوڑ کنگ بہ بیت۔ مزن وزیر ءَ پنت ءُ شون کت کہ سی ڈی اے اسلام آباد ءِ توامیں سرکاری ءُ نجی ہسپتال آنی تہ ءَ آتشزدگی ءِ گامگیج آنی سر ءَ عمل کنگ ءَ را دل یکیمی بہ کنت، سی ڈی اے ءُ توامیں سیادی داروکیں ادارگ سرکاری ءُ نجی کارگس ءُ ماڑی آنی تہ ءَ آتشزدگی ءِ آڈٹ ءَ را دل یکیمی بہ کن اَنت، توامیں کارگس ءُ ماڑی آنی تہ ءَ آتشزدگی ءِ گامگیج آنی سر ءَ عمل کنگ ءَ را دل یکیمی کنگ بہ بیت۔ گند ءُ نند ءَ پمس ہسپتال ءَ را گہتر کنگ ءُ آئی ءَ را میاں اوستمانی معیار ءِ رد ءَ آرگ ءِ واستہ وزارت جان سلامتی ءِ نیمگ ءَ کتگیں گامگیج آنی بابت ءَ سرپدی دیگ بوت۔ دیوان ءَ را سرپدی دیگ بوت کہ پمس ہسپتال ءِ کارکردگی آڈٹ ءِ تہ ءَ چار ءُ تپاسی کتگیں اشارہ آنی تہ ءَ 90درسد ءِ منّگ بوتگیں ٹارگٹ ءِ ھلاپ ءَ ایوک ءَ 39.7درسد ءِ رد ءَ عمل کنگ بوتگ۔ دیوان ءَ را گوشت دیگ بوت کہ پمز ءِ پٹ ءُ پولی رپوٹ ءِ رژنائی ءَ 37 پیش کرتگیں گامگیج آنی ترندیں رنگ ءَ عمل درآمد ءَ را دل یکیمی کنگ بوھگ ءَ اِنت، وھدیکہ دیوان ءَ را کسانیں، میاں اوستمانی ءُ دراجیں مدتی گامگیج آنی ھوالگ ءَ ھم سرپدی دیگ بوت۔ گند ءُ نند ءَ وفاقی وزیر   اعظم نذیر تارڑ، احد خان چیمہ، عطاء اللہ تارڑ، سید مصطفی کمال، ھاسیں کمکار  مختار احمد بھرتھ  ءُ سیادی داروکیں مزنیں کارندہ آں بہر زرتگ۔